Një studim i botuar në revistën prestigjioze mjekësore The Lancet, tregon se vetëm 0.65 përqind e njerëzve rezultuan pozitiv me COVID-19 për herë të dytë pasi u infektuan gjatë valës së parë dhe të dytë gjatë pandemisë në Danimarkë. Kjo është shumë më e ulët se 3.27 përqind që ishin pozitiv për virusin pasi përdorën teste shumë më të sakta PCR, pasi ishin testuar më parë si negativ me test të shpejtë.
Por studimi zbuloi se njerëzit mbi 65 vjeç kishin vetëm 47 përqind mbrojtje kundër përsëritjes së infeksionit, krahasuar me 80 përqind mbrojtje tek të rinjtë.
“Studimi ynë konfirmon atë që shumë të tjerë kanë sugjeruar: ri-infektimi me COVID-19 është më pak i zakonshëm tek të rinjtë, njerëzit e shëndetshëm, por njerëzit e moshuar kanë më shumë gjasa të infektohen përsëri”, tha Stein Etelberg nga Instituti Staten Serum në Danimarkë.
“Për shkak se të moshuarit kanë më shumë gjasa të kenë simptoma më të rënda të sëmundjes dhe fatkeqësisht vdesin, gjetjet tona e bëjnë të qartë se sa e rëndësishme është të zbatohen politikat për të mbrojtur të moshuarit gjatë pandemisë”, tha studimi.
Autorët e studimit nuk gjetën fakte se mbrojtja kundër ri-infeksionit bie brenda gjashtë muajve nga sëmundja, por theksojnë se kërkohen kërkime të mëtejshme për të përcaktuar mbrojtjen kundër ri-infeksionit në variante të ndryshme të virusit.
Të dhënat që ishin objekt i analizës të mbledhura nëpërmjet ndihmës së strategjisë kombëtare të testimit të Danimarkës, nëdhënat e analizuara duke përdorur strategjinë kombëtare daneze të testimit, e cila përbën 69 përqind të popullsisë ose katër milion njerëz, u testuan gjatë vitit 2020.
Duke komentuar rezultatet, Rosemary Boynton dhe Danny Altmann, profesorë në Imperial College London, thanë se rezultatet treguan më pak mbrojtje dhe ishin “më shqetësuese” sesa kërkimet e mëparshme.
“Këto të dhëna konfirmojnë, nëse kjo është e nevojshme, që ne mund të mos jemi në gjendje të përmbushim pritjet e marrjes së imunitetit mbrojtës kundër SARS-CoV-2 përmes infeksioneve natyrore dhe se një zgjidhja e qëndrueshme është programi global për vaksinat mjaftë efektive”, thanë autorët në një artikull në lidhje me këtë hulumtim, botuar gjithashtu në The Lancet.
