Enzima 2-konvertuese e angiotenzinës (ACE2) është e pranishme në sasi të vogla në zemër, veshkë dhe organe të tjera. Shkencëtarët kanë spekuluar se infeksioni me KOVID-19, sëmundja respiratore e shkaktuar nga koronavirusi, luan rol në mënyrën se si infeksioni hyn në mushkëri.
Studimi, i botuar në revistën mjekësore European Heart Journal, zbulon se ilaçet e përshkruara gjerësisht të quajtura frenuesit ACE ose bllokuesit e receptorëve të angiotenzinës (ARB), të cilat shpesh përdoren për të trajtuar dështimin e zemrës, nuk rezultojnë në përqendrime më të larta të ACE2 dhe prandaj nuk e rrisin rrezikun e COVID-19 te njerëzit që e përdorin atë si terapi të rregullt.
Mjekët tregojnë se pacientët duhet të vazhdojnë me trajtimin e tyre të mëparshëm antihipertensiv sepse nuk ka asnjë provë klinike apo shëndetësore që trajtimi me frenuesit ACE duhet të ndërpriten për shkak të infeksionit me KOVID-19.
Këto ilaçe u përshkruhen pacientëve me insuficiencë kongjestive të zemrës, diabetit ose sëmundjeve të veshkave.
“Gjetjet tona tregojnë se pacientët me COVID-19 nuk duhet të ndalojnë së marri këto barna,” theksoi Adrian Wors, profesor i kardiologjisë në Qendrën Mjekësore Universitare në Hollandë, i cili e udhëhoqi studimin.
Të dhënat e deritanishme sugjerojnë se meshkujt janë më të ndjeshëm ndaj infeksionit me koronavirus sesa femrat, dhe se nëse ato sëmuren, kanë më shumë të ngjarë të shfaqin komplikime më serioze.
Duke analizuar të dhënat e mbledhura midis të infektuarve të të dyja gjinive, ekipi i prof. Vors mati përqendrimin e ACE2 në mostrat e gjakut të marra nga më shumë se 3.500 pacientë me dështim të zemrës në 11 vende evropiane. Meqënëse studimi filloi para shpërthimit të pandemisë me koronavirus, studimi nuk përfshiu pacientë me COVID-19.
Por kur një studim tjetër zbuloi se ACE2 ishte thelbësor për mënyrën se si koronavirusi i ri depërtoi në qelizat, prof. Vors dhe ekipi i tij gjetën baza të përbashkëta me studimin e mëparshëm.
“Kur zbuluam se një nga bio-shënuesit më të fortë ACE2, është shumë më i madh te meshkujt sesa tek femrat, zbuluam se mund të shpjegonte pse meshkujt kanë më shumë të ngjarë të infektohen me COVID-19 dhe të kenë sëmundjen, sesa femrat”, tha Dr. Izia Sama, bashkautor i studimit.
Angiotenzina është molekulë që gjendet në sipërfaqen e qelizave të mushkërive dhe është kryqëzim i virusit SARS-CoV-2. Duke u lidhur me këtë enzimë, virusi është në gjendje të hyjë në qelizë dhe ta infektojë atë. ACE2, sipas Vors dhe Sama, është i pranishëm jo vetëm në mushkëri, por edhe në zemër, veshkë, enët e gjakut dhe veçanërisht në testikujt.
