Nga java e kaluar, të gjitha analizat e diagnostifikimit molekular të sëmundjeve të trashëguara, ata që janë në sigurim shëndetësor do të jenë në gjendje t’i bëjnë ato pa pagesë, dmth., jo si është bërë deri më tani, me pagesë. Për analiza të tilla, pacientët deri më tani kanë paguar midis 45 dhe 100 mijë denarë.
Në listën e shërbimeve të Fondit për sigurim shëndetësor, janë të vendosura shtatë lloje të analizave për diagnostifikimin molekular të sëmundjeve të trashëguara, të cilat u kërkuan nga Fakulteti i Mjekësisë (Departamenti i patologjisë, patofizës, imunologjisë, mjekësisë ligjore), si dhe nga Fakulteti i Farmacisë dhe Akademia e Shkencave dhe Arteve të Maqedonisë.
Mundësimi i diagnostifikimit të hershëm dhe të shpejtë të sëmundjeve të trashëguara dhe sëmundjeve malinje, do të thotë përgjigje më e shpejtë në metodat e trajtimit dhe mundësitë terapeutike. Bëhet fjalë për analiza shumë specifike, të cilat pacientët një pjesë të tyre duhet t’i çojnë jashtë vendit.
Që një person i siguruar të mund të kryej analiza të tilla, do t’i duhet udhëzimi i duhur nga klinikat. Pra, analizat e tilla do t’i bëhen pacientit pasi nuk mund të diagnostikohet me procedurat standarde.
Metodat NGS (Next Generation Sequences) janë të implementuara në Akademinë e Shkencave dhe Arteve të Maqedonisë nga viti 2012, dhe me këtë mundësohet analizimi i shumë sëmundjeve, përfshirë edhe sëmundjet e rralla. Me këtë, synohet rradhitja e panelit me 4.800 gjene të lidhura me sëmundjet e rralla dhe malinje.
A.Stojanovska
