Udhëtimi me fëmijët nuk është aspak i lehtë, por psikologët këshillojnë se kjo është një ide e mrekullueshme dhe ju duhet të udhëtoni sa më shpesh me fëmijët, sepse kështu i forconi marrëdhëniet familjare dhe e afroni familjen. Për shkak të obligimeve të shumta nuk arrijmë që t’i përkushtohemi njëri-tjetrit, kështu që udhëtimi është një mundësi e mirë. Udhëtimet madje u ndihmojnë fëmijëve që të përgatiten për atë çka do të sjellë e ardhmja e tyre. Këto janë vetëm disa nga përfitimet e udhëtimit të cilat do t’i ndjej e gjithë familja.
Krijohet besimi dhe respekti ndaj të tjerëve
Të gjithë jetojmë në rrethin e njerëzve më të afërt për ne, por gjatë udhëtimeve fëmijët mësojnë se si të sillen me njerëzit krejtësisht të huaj. Udhëtimet e tilla i ndihmojnë ata që të respektojnë, të kuptojnë dhe të sillen mirë me njerëzit me të cilët sapo i kanë njoftuar dhe e gjithë kjo ka ndikim pozitiv në vetëbesimin e tyre.
Frika zhduket
Fëmijët që udhëtojnë nuk kanë frikë të shpërngulen në vende të reja, sepse e kuptojnë se nuk duhet të jetojnë gjithë jetën në një vend. Ata arrijnë që më lehtë t’u përshtaten mjediseve të reja, për dallim nga ata fëmijë që nuk kanë pasur kurrë mundësi të njoftojnë një kulturë dhe mënyrë tjetër të jetesës. Kështu që fëmijët tuaj bëhen më të shoqërueshëm sesa pjesa tjetër.
Ndarja e eksperiencave jetësore
Këto janë momente në të cilat më lehtë do të mund të shkëmbeni përvoja me fëmijët dhe t’i mësoni diçka rreth jetës. Të qenurit në një vend të ri nën mbikëqyrjen e një personi të rritur, fëmijës i jep ambientin më të mirë për të zgjidhur problemet me cenueshmërisë.
Nuk duhet të udhëtoni në vende të largëta, mjafton të shkoni në piknik ose të vizitoni ndonjë përmendore qytetin tënd. Bëni skarë në natyrë ose tubime familjare. Pikniku dhe kampingu janë gjithmonë ide e mirë.
