Sipas analizës së re të botuar në revistën mjekësore The Lancet, vendet nuk duhet të lehtësojnë masat e mbylljes për shkak të pandemisë së koronavirusit derisa të plotësojnë pesë kritere.
Sipas një studimi të botuar dy ditë më parë, ekzistojnë pesë kritere që vendet duhet të plotësojnë në mënyrë që të respektojnë masat e mbylljes së plotë dhe izolimit.
- Njohjen e statusit të infeksionit
- Përfshirja e komunitetit
- Objekte adekuate të shëndetit publik
- Kapaciteti adekuat i sistemit shëndetësor
- Kontrolli i kufinjëve
Autorët e studimit vëzhguan nëntë vende të pasura që filluan me lehtësimin e masave, Hong Kong, Japoni, Zelanda e Re, Singapor, Kore e Jugut, Gjermani, Norvegji, Spanjë dhe Britania e Madhe. Ata zbuluan se qeveritë nuk i plotësonin kriteret për të shmangur një valë të re infeksioni, siç ka ndodhur në Spanjë, Gjermani dhe Britaninë e Madhe.
“Provat janë të qarta. Nëse sëmundja rishfaqet dhe numri i rasteve rritet, vendet janë hapur para kohe”, thotë bashkëautori i studimit Martin Mackey, profesor i shëndetit publik evropian në Shkollën e Higjienës dhe Mjekësisë Tropikale në Londër.
Një nga rezultatet e studimit ishte se për rihapjen e sigurt të ekonomive dhe vendeve, nevojitet një sistem efikas për të zbuluar, ekzaminuar, monitoruar, izoluar dhe mbështetur të sëmurët dhe të infektuarit.
