Një numër i madh i të ftuarve, mes të cilëve kolegë, miq, dashamirës, ishin pjesë e promovimit të Shtëpisë Botuese “Matica Maqedoni”, kushtuar veprës më të re të shkruar në mënyrë profesionale të prof. Dr. Tatjana Jaqovska, specialiste pediatre-alergologe dhe asst. Dr Vesna Micevska, mjeke specialiste pediatre-pulmologe, libri “Vitamina D dhe shëndeti i frymëmarrjes”.
Libri përmban 81 faqe dhe teksti është konceptuar në katër kapituj, i ilustruar me foto, tabela dhe diagrame.
“Të gjithë kapitujt përmbajnë njohuritë më të reja në fushën që lidhet me sëmundjet dhe rekomandimet në trajtimin e vitaminës D. Kapitulli i parë i kushtohet lidhjes së vitaminës D dhe fibrozës cistike si një sëmundje kronike e mushkërive që prek një sërë organesh. Kapitulli i dytë trajton tuberkulozin, i cili edhe pse është vënë nën kontroll, është ende i pranishëm dhe përfaqëson një entitet të rëndësishëm, ku vitamina D gjithashtu kontribuon në një rezultat më të mirë, nevojë më të vogël për shtrim në spital dhe shërim më të shpejtë.
Në kapitullin e tretë dhe të katërt shpjegohet roli imunologjik i vitaminës D dhe lidhja e saj me sëmundjet alergjike te fëmijët, astmën dhe rinitin alergjik”, shkruan Prof. Dr. Katarina Stavriç në recensionin e saj për librin “Vitamina D dhe shëndeti respirator”.
Libri është i shkruar me gjuhë të qartë, të kuptueshme, gjë që e bën atë lehtësisht të pranueshëm për lexuesin. Prandaj rekomandoj ta lexoni, për gjithë secilin nga ju që dëshironi të zgjeroni njohuritë e juaja të bazuara në provat shkencore të vitaminës D dhe rëndësisë së saj për shëndetin e frymëmarrjes, thotë Prof. Dr. Katarina Stavriç në recensionin e librit.
“Shumë kohë më parë më lindi ideja për këtë libër, por tani ishte koha e duhur ta shkruaj sepse pikërisht tani edhe Dr.Micevska mbrojti doktoraturën. Këto janë pjesë të doktoraturave tona që tani i kemi përditësuar me risi”, tha prof. Dr. Tatjana Jaqovska gjatë promovimit.
“Ideja më lindi me kalimin e viteve, ndoshta edhe më shumë sepse vitamina D është bërë shumë e njohur kohët e fundit. Një pjesë e sëmundjeve që janë trajtuar janë sëmundjet e vjetra me të cilat njerëzimi ka vite që lufton dhe ende po lufton për t’i trajtuar, po ashtu ekziston edhe një grup sëmundjesh alergjike që për shkak të zhvillimit të shkencës, imunologjisë dhe alergologjisë janë disi më aktuale dhe më të zhvilluara kohëve të fundit. Vitamina D i lidh të gjitha”, theksoi asst. Dr.Vesna Micevska.
Përveç prof. Dr. Katarina Stavriç, për mesazhet e kësaj vepre folën edhe akademik Nada Pop Jordanova dhe dr. Biserka Jovkovska. Interesi për librin ishte i madh që në fillim. Gjatë promovimit ata kërkuan një libër që flet më shumë për aktualitet dhe rëndësinë e punës së profesionistëve, por edhe tek publiku i gjerë. Botimi i tillë i teksteve profesionale është për t’u përshëndetur dhe sigurisht urojmë të kemi sa më shumë. Urime autorëve prof. Dr. Tatjana Jaqovska dhe asst. Dr dhe Vesna Micevska! (K.Sh.D.)
Përktheu dhe përshtati:S.N
