Zbulimi i një ekipi nga Spitali Mount Sinai në New York mund të ndihmojë në zgjidhjen e problemit të madh me të cilin përballen mjekët në të gjithë botën në trajtimin e pacientëve me koronavirus – krijimin e mpiksjeve të gjakut / trombeve që komplikojnë format e rënda të sëmundjes, gjë që sidoqoftë është e vështirë për tu trajtuar.
Ekipi publikoi se po vazhdonte studimin mbi veprimin e antikoagulantëve për të zbuluar se cili funksionon më mirë.
“Pacientët që pranuan antikoagulantë ishin më mirë se ata që nuk pranuan. Tashmë kjo ka një implikim. “Njerëzit, besoj se kanë nevojë të trajtohen me ilaçe anti-trombocite”, thotë Dr. Valentin Foster, drejtor i spitalit.
Rezultatet nuk janë ende të qarta sa duhet për rekomandime, dhe ekipi vëren se ilaçet e koagulimit të gjakut ka më shumë të ngjarë të jepen për ata me sëmundje të rëndë COVID-19.
Fuster dhe ekipi i tij përfshinë më shumë se 27,000 pacientë të trajtuar në spital. Që nga marsi, disa pacientëve u është dhënë ilaç kundër mpiksjes.
Ekipi studioi në mënyrë sistematike nëse ilaçet rezultuan në rezultate të ndryshme dhe zbuluan se ato ishin të tilla – në rastin e pacientëve që kishin qenë në respirator.
Ata zbuluan se 29 përqind e pacientëve në respirator që morën antikoagulantë vdiqën, krahasuar me 63 përqind të atyre që nuk morën antikoagulantë.
Shkencëtarët nuk kanë parë rritje të konsiderueshme në shanset për efekte anësorë të rëndësishëm të një terapie të tillë – probleme me rritjen e gjakderdhjes te ata pacientë që marrin antikoagulantë.
Hulumtimi i tyre tregoi se pacientët morën ilaçe të ndryshme kundër mpiksjes në doza të ndryshme, kështu që kjo çështje duhet të studiohet.
Doktor Fuster shton se mpiksja e gjakut është faktor i rëndësishëm në rezultatin fatal të personave me COVID-19. Fillon me formimin e mpiksjes së gjakut në mushkëri, pastaj veshkat, zemrën dhe më në fund trurin, thotë ai.
Mjekët gjithashtu dëshirojnë të studiojnë nëse ilaçet kundër mpiksjes mund të funksionojnë te pacientët që nuk janë shtruar në spital, pasi ka raste alarmante të sulmeve në tru te njerëzit nën moshën 50 vjeçare të cilët nuk duhet të ekzistojë rreziku për sulm në tru, ndërsa është vërtetuar se ishin të infektuar me koronavirus.
Nuk dihet ende pse virusi shkakton mpiksjen e gjakut, por mjekët thonë se mund të jetë efekt anësor i ndonjë reaksioni të rëndë inflamator të shkaktuar nga virusi.
