Пандемијата повторно е во полн ек, се поголем е бројот на заразени и во голем број земји повторно се воведуваат драстични мерки со цел да се намали бројот на заразени и на тој начин да се забави ширењето на новиот коронавирус.
- МИЈАТ РАЦЕ
Никој не смее да ја прескокнува оваа навика, било да е во прашање обичен човек или лекар. Тоа значи, било кога и било каде.
“Поентата е во претпазливоста“, нагласува д-р Наташа Бујан, семеен лекар.
Тоа значи миење на рацете со сапун и вода најмалку 20 секунди, а притоа да не се прескокнува и делот под ноктите. Д-р Бујан рацете ги мие секој пат кога влегува во нов простор, дом, канцеларија или продавница. Ако нема пристап до сапун и вода, користи дезинфекциски марамици или гелови.
- НЕ ГО ДОПИРААТ ЛИЦЕТО СО РАЦЕ
И на лекарите ова им претставува проблем, а една студија покажала дека студенти по медицина во просек за еден час, лицето со раце го допираат 23 пати.
Се вели дека допирањето на лицето со раце е како да сте му посакале добредојде на вирусот, бидејќи тој токму низ носот или устата најлесно ќе влезе во телото. Ако вирусот се наоѓа на рацете, а вие го допирате лицето, тој лесно ќе продре и во белите дробови. Последното истражување покажа дека новиот коронавирус на кожата на човекот останува да живее и до девет часа.
- КИВААТ И КАШЛААТ ВО ШАМИВЧЕ
Секој пат кога кивате, имајте шамивче во кое ќе го сторите тоа, ако немате, кивнете во лактот. Центарот за превенција и контрола на болести советува шамивчето веднаш да го фрлите во ѓубре. Ако сте кивнале во дланката, веднаш измијте ги рацете со вода и сапун.
- СЕ ПОЗДРАВУВААТ БЕЗ ДОПИРАЊЕ
Лекарите за поздрав користат лакти, а некои тоа го нарекуваат ново ракување. Причината треба да биде логична – лактите не се дел од телото што може лесно да го пренесат вирусот, за разлика од нам познатото ракување, бидејќи со нив нема да го допирате лицето.
„Не се ракувам со пациенти или ги поздравувам со очи или со топла насмевка и сметам дека е доволно“, наведува д-р Бујан.
- СПИЈАТ ДОВОЛНО
Д-р Бујан внимава на својата исхрана и физичка активност, дури и кога нема епидемија. Но, денес внимава и доволно да спие и смета дека тоа е многу важна навика – да се легне во кревет секој ден во исто време, да внимава да спие осум часа и да не проверува електронска пошта пред спиење.
Доволната количина на сон може да го зајакне имунитетот. Во моментов, околу 80 проценти од случаите на инфекција се со благи симптоми, а некои луѓе дури нема да имаат симптоми. Доколку доволно спиете, вашиот организам ќе биде подобро подготвен за борба против вирусот, смета лекарката.
- КОРИСТАТ ДЕЗИНФЕКЦИОНИ МАРАМЧИЊА
Иако е потврдено дека вирусот се шири преку капки, кашлање или кивање, новите податоци укажуваат дека може да преживее и неколку дена на тврди површини. На овој начин лесно може вирусот да се допре со раце и да се пренесе на носот или устата. Лекарите се потпираат на марамчиња за дезинфекција за да си го избришат работното биро или столот, па затоа советуваат да ги имате секогаш при рака.
- МАСКИ НОСАТ КОГА Е ПОТРЕБНО
Докторите во САД се замолени, исто како и сите други, да внимаваат на користењето маски за да ги имаат за сите на кои им се потребни, па така нема да ги носат ако се дома со своето семејство. Маските нема да ги заштитат луѓето од зараза, вели д-р Вилијам Шафнер, специјалист за заразни болести. Сепак, можат да бидат од корист и да го стопираат ширењето на симптомите од страна на заразеното лице. Ако некој е болен, треба да остане дома. Пациентите на кои им е потврдена болеста или се сомневаат дека се заразени, треба да носат маска додека не се изолираат или хоспитализираат, сметаат експертите од Центарот за контрола и превенција на болести на САД.
- БАРААТ ПАЦИЕНТИТЕ СО СИМПТОМИ ПРВО ДА СЕ ЈАВАТ ТЕЛЕФОНСКИ
Ова е затоа што тие не сакаат некој со симптоми да престојува во чекална меѓу другите пациенти.
„Пациентите можат со својот лекар по телефон да разговараат за нивните симптоми и со лекарот да се договорат за следниот чекор и да спречат ширење на вирусот“, наведува д-р Шафнер. рече лекарот.
Ако симптомите можат да се лекуваат во домашни услови, тогаш е попаметно да се избегнува доаѓање на лекар.
- НЕ ПАНИЧАТ
Лекарите не се во состојба на постојана паника поради појавата на вирусот, а д-р Бујан смета дека би било паметно да се намали времето кое се поминува на социјалните мрежи, бидејќи токму тиа имаат влијание на состојбата на нашиот ум.
“Веројатно ќе искусиме уште многу нови случаи, нови дијагнози, но и смртни исходи, но важно е сето тоа да се стави во перспектива“, вели д-р Глатер.
- ШТО ПРАВАТ БОЛНИЧКИТЕ УСТАНОВИ?
Тука постојат процедури со цел да се заштитат пациенти кои доаѓаат. Ако се сомнева на заразено лице, му се дава заштитна маска и се носи во соба за изолација. Персоналот на болниците минуваат низ мерки на контрола поврзани за инфекцијата. Очила, ракавици и маски користи целиот медицински персонал.
