Panacea.mk

Panacea.mk е новa медицинскa интернет страница, единствена со својот приод во нашата држава. Наше мото е извонредната мисла на Максим Горки – „Внимавајте кога читате книги за медицина, може да умрете од печатна грешка.“ Токму заради тоа нашата примарна цел е да допреме до сите граѓани и да дадеме вистински медицински информации, од наши и странски еминентни стручњаци, од медицината базирана на докази. Ние ви доставуваме кредибилни медицински информации од извори кои се оригинални и професионални.

Оваа страница се базира на интеракција на врвни медицински стручњаци и искусни новинари и ќе ви понуди бројни интервјуа, совети, медицински помошни програми итн.

Панацеа – во буквален превод значи лек против сите болести. Општ лек. Лек од секоја болест. Чудотворен лек… Лек кој ги лекува сите болести… Нашата интенција е со помош на стручни и практични совети, да ви го олесниме патот до изнаоѓањето на лекот, но и патот исполнет со верба, патот кон поздрав и поквалитетен живот… И не случајно нашиот заштитен знак е пеперутката со која го делиме истото име – Panacea, зашто токму пеперутката е симбол на вербата, разиграноста, распеаноста и богатството на животот… А токму здравјето е најголемиот благодат, најголемото богатство…

Кредибилноста на оваа страница ќе се базира на знаењата на нашите соработници од медицинската сфера, кои својот долгогодишен медицински стаж го имаат дадено во борба со низа болести од сите домени на медицината.

Наша желба е да ги пополниме оние празни дупки кои во општиот интернет простор се оставени за пренос на сомнителни информации и информации кои немаат основ во медицината. Тие само го збунуваат неутралниот читач и го доведуваат во заблуда.

Ние постоиме за вас.

Добре дојдовте на Panacea.mk!