Кај забоболката најлошо е тоа што таа се јавува навечер кога ќе се смириме, а покрај забоболката постојат уште неколку состојби кои можат да предизвикаат непријатност.
Болка
Доколку ве боли вилицата или усните можеби тоа е заради забоболка. Болката главно укажува на кариес, но и на болести на непцата што конечно ќе го протолкува забарот кој единствен може да ви го реши проблемот и да го спаси забот.
Чувствителност на забите
Доколку забите ве болат кога пиете некој ладен напиток можеби имате проблем со чувствителни заби што се јавува како резултат на кариес, фрактура на заб, болести на непцата, оштетена глеѓ или повлекување на непцата. Третманот зависи од изворот на чувствителност.
Крвавење на непцата
Крвавењето или болката во непцата се симптом на гингивитис, болест на непцата во ран развој или само прегрубо сте ги миеле забите. Доколку непцата ви крвават постојано или веќе почнале да ве загрижуваат, закажете преглед.
Ранички во устата
Раничките во устата можат да бидат последица на температура, леукоплакија и кандида. Варираат во нивната сериозност и во причините за создавање. Можат да се јават како последица на инфекција со бактерии, вируси или габички, но и скршени заби.
Лош здив
Може да биде резултат на храна, недоволна хигиена, сува уста, пушење или некоја медицинска состојба. Може да биде и симптом на болест на непцата, а миењето заби два пати дневно ќе ја спречи појавата на непријатен здив. Мијте го и јазикот, а не само забите затоа што и на него се задржуваат бактерии.
Болка во вилицата или потпукнување
Многу работи може да бидат причина за состојбата која тешко може да се дијагностицира. Можат да бидат последица на проблеми со синусите, болка во забите, артритис, повреди, чкрипење со забите, гингивитис и слично.
Сува уста
Ова е симптом на некое заболување или несакано дејство на лековите кои ги пиете. Плунката во устата не штити од расипување на забите така што ја испира храната од површината на забите и непцата, ја неутрализитра киселината и штити од развој на некои болести.
Инфекција на орален пирсинг
Оралниот пирсинг може да создаде цела низа проблеми за вашето здравје. Устата е полна со бактерии и е одлично место за создавање инфекции. Може да се јави болка, оток, температура, треска, црвенило. Појдете на забар.
Напукнати заби
Се случува кога забите се чувствителни, кога чкрипите со забите или сте имале некоја повреда. Пукнатината може да биде видлива и со голо око, а болката која ја предизвикува е ужасна. Доколку не се третира, проблемот само се влошува.
Наслаги на забите и промена на нивната боја
Со текот на времето бојата на забите се менува и наслагите на нив се таложат. Ова често е последица на консумирање некоја храна, испивање кафе и чај, пушење, стареење, генетика, повреди или употреба на некои лекови. Решението може да биде избелување, но обавезно консултирајте се со лекар.
