Иако денес многу намирници се достапни цела година, на приврзаниците на здравата исхрана, сезонското овошје и зеленчук секогаш е прв избор. Сезонските намирници се полни со нутриенти, витамини и минеарли и на организмот му го даваат токму она што му треба.
ПОРТОКАЛ
Претставува богат извор на антиоксиданти, ја стимулитра дигестијата, го намалува холестеролот, штити од кардиоваскуларни заболувања, помага при анемија, елиминира слободни радикали од телото. Преполн со витамините А, Ц, Б и Е, како и калциум, магнезиум калиум и фосфор. Еден прортокал дневно му обезбедува на организмот доволно вотамин Ц кој помага во спречување на многу здравствени тегоби – од грип и алергии, до кардиоваскуларни болести.
ЛИМОН
Силен антиоксидант, штити од настинки, ја поттикнува работата на дебелото црево, има антиканцерогени својства, и ги намалува воспалителни состојби. Лимонската киселина помага во спрелување на создавање на камења во бубрезите. Богат е со витамин Ц и Б, содржи селен, тиамин, рибофлавин, калциум, железо и магнезиум.
КИВИ
Ги штити клетките од оксидативен стрес, го намалува крвниот притисо и ниво на лошиот холестерол, го штити дигестивниот и системот за дишење, го чува здравјето на срцето и крвните садови. Едно киви дневно има еднаков ефект за здравјето на срцето како една таблета дневно на ацетилсалицилна киселина. Содржи калиум и бакар, преполн е со антиоксиданти, витамини и влакна.
ГРЕЈФРУТ
Поволно делува на функцијата на дебелото црево, го јакне имунитетот, спрелува инфекции, и помага при тегоби со вените и хемороидите. Грејфрутот содржи пектин, форма на влакна која може да го забави процесот на појавата на атеросклероза. Се препорачува за здравјето на коските и ослободува од болка.
МАНДАРИНА
Силен антиоксидант, кој помага при артритис, настинка и грип. Содржи изобилство од влакна и се вбројува во овошје кое позитивно делува во случај на дигестивни проблеми. Богата е со цинк, магнезиум, калциум и витамините Б и Ц.
КЕЉ
Каротеноидите со кои изобилува се моќни антиоксиданти кои ги штитат клетките од штетното дејство на слободните радикали. Превентивно делува против разни форми на рак, го јакне имунитетот, а поради големиот процент на фолати посебно се советува во исхраната на трудниците.
СПАНАЌ
Делува противвоспалително и антиоксидативно, го штити здравјето на очите и крвните садови, го чува организмот од бројни болести поврзани со оксидативниот стрес. Редовното консумирање на спанаќ го намалува ризикот од рак на мочниот меур, црниот дроб, дебелото црево, јајчниците, дојките и кожата. Изобилува со витамините Ц и Е, бета каротен, манган, цинк и селен.
ЦЕЛЕР
Ја подобрува крвната слика и циркулацијата, и е ефикасен во лекувањето на астма, засипнатост, реума, гихт. Консумирањето целер помага и во намалување на крвниот притисок. Спречува штетно делување на слободните радикали и така го штити организмот од рак. Особено е богат со витамините Ц, Б, Е и К, фолна киселина и калциум.
КАРФИОЛ
Го чува здравјето на срцето и е богат извор на влакна што го прави идеален детоксикациски оброк. Содржи алицин, кој поволно делува на здравјето на срцето и го намалува ризикот за срцев и мозочен удар. Богат е со витамин Ц, манган, фолна киселина и калиум.
КИСЕЛА ЗЕЛКА
Ја чисти крвта, го забавува стареењето и ја јакне отпорноста на органзимот. Ефикасно делува на желудникот и на цревата, го чисти и го регенерира црниот дроб. Богата е со витамините Ц, Б12 и А, а содржи и фолна киселина, железо, фосфор, калиум и натриум.
