Веќе над едногодишното искуство јасно покажа дека КОВИД-19 не е само респираторна болест, туку влијае на целиот организам. Лекарите во моментов се обидуваат што подобро да разберат како влијае на здравјето на мозокот.
Една претходна студија открила дека една третина од хоспитализираните пациенти покажуваат промени во менталните функции, од збунетост до делириум. Истите тие пациенти останале во болница и три пати подолго, а само 32 проценти по отпуштањето, можеле да продолжат со секојдневните активности.
Стручњаците сметаат дека до овие промени доаѓа оти вирусот има тенденција да предизвикува воспаленија и да ја поремети циркулацијата. Ова се некои од сериозните невролошки симптоми поврзани со КОВИД-19:
- МОЗОЧНА МАГЛА
Многумина пациенти изјавуваат дека чувствуваат збунетост и имаат проблеми со фокусирањето и концентрацијата. Таа состојба може да потреае и неколку недели или месеци. Студија објавена во списанието The Lancet покажала дека 55 проценти со дијагноза на коронавирус имаат невролошки симптоми три месеци по дијагнозата.
- ВРТОГЛАВИЦА
КОВИД-19 често предизвикува вртоглавици и губење на свеста, а некои пациенти пријавиле дека чувствуваат вртоглавица кога ќе станат од столица или од кревет. За жал, состојбата е многу честа, 30 проценти од пациентите во студијата го пријавиле овој симптом.
- МОЗОЧЕН УДАР
Оваа состојба најмногу ги загрижува лекарите оти е необично мжздрави млади луѓе, без никакви симптоми и ризик фактори да доживеат удар како последица на КОВИД-19, а некои од нив се е и фатални. Се чини дека се работи за тоа да вирусот има тенденција да предизвикува крвни згрутчувања во мозокот, срцето и белите дробови.
- ДИСАВТОНОМИЈА
За време на опоравувањето некои пациенти ја пријавиле оаа чудна состојба, во која комуникацијата помеѓу мозокот и нервите “пука“. Симптомите вклучуваат проблеми со дишењето и дигестијата, несоница, мигрена, трнење на рацете и стапалата, забрзана работа на срцето и анксиозност. Научниците не знаат што ја предизвикува оваа состојба.
- ГУБЕЊЕ НА ПОМНЕЊЕТО
Причина за ваквата состојба може да тоа што вирусот ги оштетува крвните садови во мозокот.
- ПРОБЛЕМИ СО МЕНТАЛНОТО ЗДРАВЈЕ
Ссочувањето со непозната, потенцијално смртоносна болест како што е КОВИД-19, може во голема мера да влијае на менатлното здравје, анксиозноста, депресијата, па дури ина посттрауматски синдром, состојби кои ќе треба да се третираат долго откако симптомите на болеста ќе се повлечат.
- ЗБУНЕТОСТ
Центарот за превенција на болести вели дека збунетоста е сериозен проблем на коронавирусот кој бара сериозно лекување. Тоа може да значи дека коронавирусот предизвикал воспаление на мозокот.
- ДЕЛИРИУМ
Мината есен, лекарите информираа дека кај младите пациенти се забележани чудни симптоми, а еден од нив се карактеризира со збунетост на намалено чувство за она кое се случува околу лицето. 40 проценти од хоспитализирани пациенти може да го доживеат овој симптом.
- ГУБЕЊЕ НА МИРИС И ВКУС
Во студија објавена во списанието Journal of the American Medical Association, 64 проценти од лицата со коронавирус, пријавиле губење на осетот за мирис и вкус. Неодамнешна студија покажала дека таа состојба трае во просек до осум дена.
