Ова се збирни совети на експерти и стручњаци во врска со коронавирусот и болеста КОВИД-19: што сами може да направите за себе и своите најблиски.
- Што почесто мијте ги рацете, а задолжително мијте пред и по подготовка на храна, пред јадење, по користење на тоалет, по доаѓање однавдвор, по чистење на нос и секогаш кога рацете изгледаат валкано.
- За миење на рацете треба да користите топла проточна вода од чешма и сапун, а ако во даден момент тоа не е изводливо, може да користите и средство за дезинфекција на база на алкохол (најмалку 60%) кое треба убаво да се втрие во дланките.
- По миењето на рацете со сапун и вода, за сушење, пожелно е да корисите хартија за еднократна употреба. Ако не ви е достапна, користите пешкир, и заменете го кога ќе стане влажен.
Кога кашлате или кивате, покријте ја устата и носот со лакт или со хартиено шамивче кое после веднаш ќе го фрлите во канта со капак, и веднаш измијте ги рацете. При кивање и кашлање, сврете го лицето од други лица. Избегнувајте допирање на лицето, очите и устата со раце.
- Не делете чаши, шолји и други садови и прибор за јадење со други лица. Проветрувајте ги просториите и престојувате на отворено, но не во групи. Во играта со деца, користете играчки со тврди и мазни површини кои лесно можат да се исчистат. Избегнувајте контакт со лица кои имаат покачена температура, кашлица и/или краток здив.
- Избегнувајте ракување, гушкање и бакнување, и одржувајте раздалеченост од 1 метар при разговор. Пешачете или користете велоспиед, а избегнувајте користење на јавен превоз.
- Не пушете! Престанувањето на пушењето го намалува ризикот за развој на тешки белодробни болести, предизвикани од новиот коронавирус.
Најмалку два пати дневно чистете ги сите допирни површини: работни површини, телефони, тастатури, како и други површини кои ги користат повеќе луѓе.
- Секој ден, чистете го домаќинството со вообичен детергент и вода. При користење на средства за дезинфекција на домот, неопходно е да се придржувате на упатствата.
- Почесто чистете ги допрните точки во домот, како што се рачките на вратите, на прозорите, чешмите во тоалетот и во кујна, далечинските управувачи, прекинувачите за струја.
