Ако секојдневно се борите со вишокот килограми и сте исцрпени од броење калории, време е да ја промените исхраната, и тоа со намалена консумација на храна која содржи поголеми количини на разни видови шеќери, односно имаат висок ГИ (гликемиски индекс).
Потреба за храна
Значи, треба да се фокусирате на намалување на количината на шеќер во крвта, како и одржување на неговата рамнотежа, без големи и чести зголемувања и намалувања. Колку повеќе преку денот варира, толку потребата за храна ќе биде поголема, а килограмите потешко ќе се топат.
Теоретски, ако сакате да ја намалите телесната тежина, потребно е да трошите повеќе калории на ден, отколку што ги внесувате во организмот.
Но, не е исто ако изедете 100 калории од брокула и 100 калории од чипс. Разликата е токму во гликемискиот индекс. Додека од брокулата во телото ќе се апсорбираат бројни потребни хранливи состојки, што ќе направат да се чувствувате сити, од чипсот ќе бидете уште погладни, бидејќи ќе дојде до нагло зголемување, а после некое време и нагло паѓање на шеќерот во крвта, што е, всушност, причина за глад.
Масни наслаги
Треба да се избегнува храна која го програмира телото за потхранување на маснотиите. Кога јадеме храна со висок ГИ (храна со многу шеќери и бело брашно), тоа доведува до зголемено производство на инсулин, кој од крвта ја одзема енергијата и ја претвора во масни наслаги. После ова многу брзо доаѓа до паѓање на шеќерот и се јавува глад.
