По една година од пандемијата веќе сите знаеме кои се симптомите на кои треба да обрнеме внимание – температура, сува кашлица, замор. Но,со оглед дека вирусот го напаѓа цело тело, може да предизвика и симптоми за кои ретко се зборува и пишува.
Ова се 11 симптоми на новиот коронавирус за кои баш и не се зборува, а треба да се запомант за да го заштитите вашето здравје, но и здравјето на оние околу вас.
ПРОЛИВ И ПОВРАЌАЊЕ
Симптоми кои не е лесно да се поднесат, но и да се зборува за нив. Но, сепак гастроентеролошките симптоми се чести кај оваа болест, па дури може да бидат и единствен симтпом што ќе открие дека сте болни. Истражувањата откриваат дека половина од пациентите ги пријавуваат и овие симптоми – пролив, повраќање и болка во стомакот.
ОТЕКУВАЊЕ НА ТЕСТИСИТЕ
Нова студија открила одреден број на мжи, позитивни на коронавирусот, доживуваат болка во тестисите. Научниците додаваат дека се јавуваат одредени компликации со болеста, вклучувајќи проблеми со згрутчување на крвта кои може да доведат и до долготрајни, болни ерекции.
ОПАЃАЊЕ НА КОСАТА
За овој потенцијално алармантен симптом, стручњаците тврдат дека може да се јави на целото теме, а причина може да биде и стресот, високата температура или самата болест. За среќа, карактеристика на оваа појава е дека е краткотрајна.
ЗУЕЊЕ ВО УШИТЕ
Коронавирусот може да предизвика вртоглавица и тинитус, или зуење во ушите кое може да потрае. Научниците во моментов проучуваат дали КОВИД-19 може да предизвика целосно губење на слухот, оти се случува токму тој симптом да остане присутен и долго откако сите симптоми ќе се повлечат.
ЧУВСТВИТЕЛНОСТ НА СОНЦЕ
Д-р Маргот Гејг по шестмесена битка со коронавирусот се соочила со редок симптом, а тоа е чувствителност на сонце, која е слична на алергија на сонце.
ПРОБЛЕМИ СО ВИДОТ
КОВИД-19 може да предизивка проблеми со видот, како проширување на зениците, отечени капаци, премногу влага и исцедок од окото. Можен симптом е и блага чувствителност или иритација на очите. Овие симптоми почесто се јавуваат кај потешките случаи на болеста.
ПРОМЕНИ НА КОЖАТА
КОВИД прсти се појава која е почеста кај помладите пациенти и се работи за честа последица на вирусна инфекција кога лицето добива осип или дамки по телото. Состојбата може да предизвика малу запушување или микро тромбови во крвните садови кои се наоѓаат на ножните прсти, па доаѓа до промена на бојата на кожата, а може да се јави и болка. Симптомите обично се повлекуваат за 12 дена. Според истражувањата, ова се случува кај 20 проценти од случаевите.
НЕВРОЛОШКИ СИМПТОМИ
Магла во мозокот, збунетост или неможност за концентрација се често пријавувани како симптоми кај лицата кои се или биле болни од КОВИД-19. Но, со оглед дека луѓето се срамат за нив да зборуваат, ретко се споменуваат. Според една студија, 55 проценти од лицата со дијагноза КОВИД-19 имале проблеми со овие и слични невролошки проблеми и три месеци по престанок на симптомите.
КОСТОХОНДРИТИС
Се работи за воспаление на ребрената ‘рскавица, односно рскавичниот спој помеѓу ребрата и градната коска, а може да наликува на инфаркт. Се јавува силна болка во градите како симптом кој трае долго по појавата на првите симптоми.
ОСИП ВО УСТАТА
Се јавува кога габата Candida се населува во усната шуплина и остава бели дамки. Во една студија потврдено е дека 42 од 1560 пациенти го пријавиле овој симптом.Можно е да се работи за послаб имун систем како резултат на вирусната инфекција, што ќе овозможи габичките да се развијат неконтролирано.
БУНИЛО
Лекарите кај пациентите со КОВИД-19 забележуваат необичен симптом, а тоа е бунило или делириум. Дури 40 проценти од пациентите во болница може да ја доживеат оваа состојба, а почесто се јавува кај повозрасните лица. Вирусот може да го нападне и мозокот и така да предизивка воспаленија кои се виновни за овој симптом.
