Сурово и термички обработено месо во посебни садови – За подготовка на сурово и варено или печено месо секогаш мора да се употребуваат различни чинии или садови. Причина е тоа што бактериите од суровото месо може да преминат на вареното. Истото важи и за морските плодови или месото од живина.
Одмрзнување месо на кујнска плоча – Со оглед дека бактериите многу брзо со размножуваат на собна температура, месото никако не смеете да го одмрзнувате на кујнската работна површина. Најдобар начин за одмрзнување на оваа намирница е во фрижидер, во сад со студена вода или во микробранова печка.
Миење на месо – Спротивно од логиката, миење на месото во кујнскиот садопер не е ни малку хигиенски. На тој начин бактериите може да се рашират на садоперот и околната кујнска површина.
Ладење на храната пред ставање во фрижидер – Многумина се уверени дека храната пред да ја ставите во фрижидер најдобро е да се излади. Меѓутоа, оставањето на топлата храна на собна температура всушност е повик за бактерии. Во расипливата храна, бактериите кои предизвикуваат болести може да се развијат за два часа, освен ако храната веднаш не се стави во фрижидер. Сепак, штотуку сварена, топла храна не смее да се стави во фрижидер, бидејќи отпуштајќи ја топлината ја намалува температурата во фрижидерот и со тоа ја загрозува и другата храна.
Јадења кои содржат сурови јајца – Предупредувањата за опасноста од консумирање на сурови јајца или јадења од нив, потполно се вистинити. Термички необработените јајца може да имаат салмонела или други штетни бактерии.
Маринирање на работна површина во кујната – Маринирањето на кујнската работна површина е опасна како и одмрзнувањето на месо на истата. Штетните бактерии на собна температура многу брзо ќе се размножат, затоа маринираната храна задолжително ставете ја во фрижидер.
Користење маринада како сос – Иако се чини економично да се користи маринадата како сос, треба да имате на ум дека бактериите од суровото месо може да ја заразат вашата храна. Маринадата може да ја искористите ако ја доведете до вриење пред консумирање.
Недоволно термички обработено месо – Додека никој не сака да му се послужи премногу суво месо, недоволно печено или несварено месо, во себе може се уште да содржи опасни бактерии. „Крвавиот бифтек„ не се наоѓа на листата на забранета и опасна храна, но правилно, вареното месо во секој случај е посигурен избор.
Немиење на раце – Важноста на миењето на рацете веќе е добро позната мерка на претпазливост. Сепак, многумина заради брзење или не ја практикуваат или не се мијат правилно. Рацете мијте ги со сапун околу 20 секунди и убаво исплакнете ги со вода.
Пробување храна за да се утврди нејзината исправност – Ако сте меѓу оние кои ќе испијат млеко за да се уверат дека не е расипано, можеби е подобро да се откажете од тоа. Лесно од млекото може да добиете здравствени пречки, а само залак од некоја расипана храна може да предизвика сериозни последици.
Неизмиено овошје опасно е да се сече на даска за сечење – Дури и ако планирате да го излупите овошјето или зеленчукот пред употреба, најдобро е претходно да ги измиете. Пестицидите од овошјето може да се преселат на работната површина и да ги заразат деловите од исеченото овошје или зеленчук.
