Зошто ни се потребни протеини? Протеините го забрзуваат метаболизмот, добри се за здравјето на коските, го намалуваат крвниот притисок, ја зголемуваат мускулната маса и сила и го намалуваат чувството на глад. Содржината на протеини во некои намирници може да се разликуваат по количината и составот. Во квантитативна смисла, по количина, можеме да ги разликуваме овие два извора: животинските извори содржат повеќе протеини, а има и такви од растително потекло. Растителните извори се потешки за варење поради нивната содржина на влакна (целулоза, растворливи влакна). Човечкиот организам не е способен да создава резерви на протеини и мора да ги внесуваме секојдневно бидејќи во спротивно може да дојде до намалување на отпорноста на организмот на болести, намалување на црвените крвни зрнца, намалување на квалитетот на телесната маса, замор…
КОЛКУ ПРОТЕИНИ НИ СЕ ПОТРЕБНИ?
За возрасен со просечна градба, доволен е внес од околу 50 до 70 грама протеини, важно е да се осигура дека тоа е претежно од комплетни извори. Во просек, тоа е околу 20 грама по оброк.
11 СИМПТОМИ НА НЕДОСТАТОК НА ПРОТЕИНИ
- РАНИТЕ БАВНО ЗАЗДРАВУВААТ
“Протеините се потребни за раните да зараснат побрзо, а кога недостасуваат во телото, тие побавно зараснуваат и производството на колаген ќе се забави“, објаснува д-р Сузан Грили, нутриционист од Институтот Culinary Education.
- СЛАБ ИМУН СИСТЕМ, ЧЕСТИ ИНФЕКЦИИ
“Добро е познато дека недостатокот на протеини може да влијае на појавата на инфекции. Станува збор за улогата на аминокиселините во формирањето на антителата и регулацијата на имунолошкиот одговор“, додава таа.
- ГУБЕЊЕ НА МУСКУЛИТЕ
“Овие чести состојби во староста може да се појават и порано во животот поради неухранетост, нарушувања во исхраната, болести и слично. Факт е дека ја губиме мускулната маса како што старееме, а потребата од протеини во поголеми количини се јавува кај луѓе постари од 70 години, кои на тој начин со благи активности ќе ги одржат мускулите здрави“, истакнува Грили.
- СЛАБИ КОСКИ
“Слабите коски може да доведат до фрактури, особено кај постарите лица. Создавањето колаген, помошта во одржувањето на здравјето и закрепнувањето зависи и од внесот на протеини, па за цврсти коски внимавајте да ги внесувате“, советува нутриционистката.
- ОПАЃАЊЕ НА КОСАТА
Опаѓањето на косата може да биде поврзано и со недостаток на железо, кое исто така многу често луѓето го занемаруваат, а резултатот е и на недостаток на протеини во исхраната, особено месо и мешунки.
- КРШЛИВИ НОКТИ И ТЕНКА КОСА
Често овој проблем се јавува во случаи кога има голем недостаток на протеини, но е и нормална појава кај постарите лица.
- ГОЛЕМ ГЛАД И ЖЕЛБА ЗА ХРАНА
“Кога некое лице не јаде доволно протеини, сосема е нормално гладот да се појави како сигнал од телото да му го даде она што му треба“, додава Грили.
- ЗАМОР И СЛАБОСТ
Протеинот е макронутриент, што значи дека му обезбедува на телото енергија. Кога човек се лишува од калории и протеини, заморот и чувството на слабост може да бидат првите симптоми дека е време за промена.
- ПРОМЕНИ ВО РАСПОЛОЖЕНИЕТО
“Повеќето луѓе слушнале за барем една аминокиселина, триптофан, која е важна за производството на серотонин. Секако има и други аминокиселини кои се одговорни за создавање на невротрансмитери. Кога на телото му недостасуваат протеини, а протокот на аминокиселини е ограничен, тоа негативно ќе влијае на нашиот мозок и ќе го намали бројот на невротрансмитери кои го подобруваат расположението“, додава нутриционистката.
- БАВЕН РАСТ
“Структурните функции – како што се развојот на мускулите, формирањето на колаген, коските, забите и другите функции на протеинот се сериозно загрозени кога тие му недостигаат во телото“, додава таа.
- ЛОШ СОН
“Повторно, сè е поврзано со аминокиселината триптофан – студиите покажале дека внесувањето на оваа киселина го подобрува сонот кај возрасните кои имаат проблеми со неа“, заклучува нутриционистката.
