Со оглед дека ракот е втор најчест причинител за смртност во светот, шокантно е како и денес многу луѓе живеат без дијагноза и лекување до последна фаза на болеста, а се од причина што симптомите се игнорираат, оти се заменуваат за нешто безопасно. Токму тоа е причина зошто мораме да научиме како да го препознаеме и поврземе секој симптом како навреме би се обратиле на лекар.
Висока температура
Леукемијата обично во почетна фаза се јавува низ висока темепратура, а таа може да биде сигнал и за ран стадиум на рак на бубрези или црева.
Губење килограми
Американското здружение за карцином, известува дека необичното губење килограми (од 10 до повеќе килограми) може да биде прв знак за рак. Ова може да биде знак на предупредување кај лица со карцином на панкреас, желудник, бели дробови или хранопровод.
Промени во дигестијата
Промените во варењето може да се последица на лоша исхрана или лекови, но ако постојано се повторуваат може да бидат симптом и на рак на црева.
Замор
Сосема е природно понекогаш да се чувствува замор, особено по напорна недела или викенд, што се решава со еден кавлитетен одмор. Но, ако заморот не минува ни по одмор, може да биде прв аларм за рак на крвта или на цревата.
Болка
Болката е еден општ симптом која најчесто се игнорира како симптом на ракот. Ракот на коски и на тестиси може да се отчитува преку чувство на болка, а честите главоболки може да упатуваат на рак на мозок. Болката во грбот може да биде симптом за рак на јајчници или црева.
Промени на кожата
Промените на кожата може да бидат последица на исхрана, сонце… Но, иако често се незагрижувачки, тие кои го менуваат изгледот како бенки или ранички, изискуваат разговор со лекар.
Болка во грлото
Ако болката не е поврзана со настинка или грип, туку е упорна и силна, таа може да упатува на многу посериозна состојба, како рак на грло или на гркланот.
Отежнато дишење
Оваа состојба како симптом на рак може да се јави ако ракот се наоѓа околу дишните патишта и белите дробови. Може да се јави и кај рак на дојки, јајчници или црн дроб.
Чудно крварење
Иако често не е симптом на рак, може да се стави на листата работи за кои треба добро да се размисли. Искашлувањето крв може да индицира на рак на бели дробови, крв во урината може да биде симптом за рак на мочниот меур, бубрезите и цревата.
Потешкотии со голтањето
Ова е чест симптом на воспалние на грло, но се јавува и кај пациенти кои имаат рак на усната шуплина или грлото.
Гастритис
Таа силна киселина може да јави од многу причини, но ако не минува и станува се полошо без оглед на земање лекови, можеби е најпаметно да се консултирате со лекар, оти таа состојба може да биде симптом за рак на јајчници или грло.
Депресија и болка во стомакот
Иако ретко се јавува како симптом на рак, комбинацијата на овие два симптома може да се сретне кај пациенти со рак на панкреас.
