Бакнувањето е дел од секојдневието на луѓето, активност со која некому му изразуваме љубов, внимание, чувство на радост и позитивни емоции. Бакнежот доаѓа природно, како спонтана реакција на одредена ситуација, било кон партнерот, децата, блиските роднини и пријателите. Но, сигурно не знаевте дека бакнежот секој пат ве враќа во детството, како ни тоа дека мажите и жените имаат различна дефиниција за него.
Кога некого бакнувате се враќате во периодот кога сте биле бебе
Две третини од луѓето ја криват главата на десна страна додека се бакнуваат. Тоа е поради тоа што истите движења ги правеле и како бебиња, бидејќи поголемиот дел од мајките бебињата кои цицаат ги држат на левата страна од телото. Механички бакнувањето е исто како и цицањето и предизвикува иста невролошка реакција, а тоа е ослободување на окситоцин – хормон кој создава чувство на блискот и сигурност.
Бакнежите се вид на фитнес
Научно е утврдено дека бакнувањето согорува две до три калории во минута. Во зависност од траењето, постраствен бакнеж знае да согори и до шест калории за една минута. Јасно е дека не станува збор за интензивен кардиотренинг, но секој ефект се брои. За време на размената на нежностирасте нивото на допамин, ендорфин и окситоцин што е тројна доза на близина, опуштање и среќа.
Бакнувањето може да создаде зависност
Иако е многу ретка, оваа појава стручно се нарекува синдром на компулсивно бакнување. Научниците кои го истражувале овој феномен велат дека синдромот се јавува како последица на низок степен на базална интелигенција во комбинација со дисфункција на одредени области во мозокот.
Бакнежи никогаш доста
Статистиката покажала дека една личност во текот на животот троши 20 160 минути на бакнување. Тоа е речиси цел месец деноноќно бакнување. Во просек, жената ќе се бакнува со 15 мажи, ќе има две долги врски, две болни раскинувања пред да го најде својот совршен партнер.
Мажите и жените се бакнуваат различно
Жените проценуваат дали некој маж е потенцијален кандидат за партнер на основа на интензитетот и зачестеноста на бакнежите кои ги разменува со него. Од друга страна, мажите ги користат бакнежите за зголемување на шансите за сексуален однос. Жената преку бакнежите апсорбира тестостерон во својата уста што кај неа ја зголемува сексуалната возбуда.
