Болката во грбот не претставува најизразен сигнал дека имате сколиоза, бидејќи постојат многу други скриени, наизглед неповрзани симптоми на кои треба да обрнете внимание.
Нееднакви рамена
Исправете го држењето, погледнете се во огледало и проверете дали едното раме ви е повисоко од другото. Имено, поради странична ротација на ‘рбетот едната лопатка или рамето може да биде поизразено од другото. Иако, лопатката изгледа нагласено, ова значи дека не е променета сама по себе. Ваквата положба на рамената може да биде суптилен предзнак на сколиоза, но лесно може да биде и последица на лошо држење на телото.
Ѓонот на едниот чевел е поистрошен од другиот
Со оглед дека кривиот ‘рбет ја поместува карлицата, може да предизвика и нерамномерно одење. Таа промена во колковите, кои не се на исто ниво, може да предизвика нерамномерно абење на ѓонот на едниот чевел, во однос на другиот. Привидно повисоко поставениот колк е последица на ниско поставена деформација на ‘рбетот, што може да резултира со крива карлица.
Чувство на нелагодност додека пешачите
Со оглед на проблемите во движењето кои се поврзани со сколиозата, можеби ќе забележите дека се чувствувате чудно додека пешачите или додека трчате. Кога одите, можеби ќе забележите дека лизгачкото движење на рацете е неизедначено, а тоа се случува поради мускулниот дисбаланс кој му оневозможува на телото да се движи на правилен начин.
Хронична мускулна напнатост
Ако вашето тело е и малку искривено, тоа може да предизвика непријатна болка. Со текот на времето, сколиозата може да предизвика мускулна нерамнотежа околу ‘рбетот која може да создаде хронично слаби мускули.
Отежнато дишење
Доколку се чувствувате нелагодно кога длабоко ќе вдишете воздух или понекогаш имате чувство на гушење, тоа би можело да биде поради искривување на ‘рбетот, бидејќи сколиозата може да го ограничи ширењето на ребрата и да ги потисне дишните органи поради што може отежнато да дишите. Оштетувањето на ограните за дишење е последица на сколиоза од висок степен.
