Високиот крвен притисок, дијабетесот и наследната сколоност кон нефролошки болести го зголемуваат ризикот од болести на бубрезите. И без тие ризик фактори здравјето на бубрезите може да биде загрозено од инфекции, од недоволен внес на течности, од консумирање на премногу солена храна, но и од користење на некои лекови и додатоци во исхраната.
За бубрезите да ви останат здрави обидете се што повеќе да се придржувате кон следниве правила:
Внесувајте доволно течности, најдобро вода, но не претерувајте. Нефрологот д-р Џејмс Сајмон вели дека наспроти верувањата, ниту една студија не докажала дека зголемениот внес на вода е ефикасен во подобрување на работата на бубрезите. Иако секогаш е добро да се пие доволно количина вода, повеќе од шест до осум чаши дневно најверојатно нема да им помогнат на бубрезите да работат подобро.
Јадете здрава храна. Вашите бубрези може да толерираат широк спектар на навики во исхраната, но д-р Сајмон истакнува дека поголемиот број на проблеми со бубрезите се слууваат како последица од други здравствени проблеми, како што се крвниот притисок и дијабетесот. Поради тоа, нефрологот предлага да стекнете навика да јадете здраво и умерено, за да ја држите под контрола својата телесна тежина и притисокот.
Вежбајте редовно. Ако сте здрави, вежбањето е добро затоа што редовната физичка активност може да спречи да дојде до дебелеење и хипертензија. Сепак, водете сметка и колку вежбате, особено ако немате кондиција. Ако се префорсирате кога не сте здрави и во форма, тоа може да претставува напор за бубрезите, вели д-р Сајмон.
Бидете внимателни со користењето на суплементи и билни екстракти. Претераната употреба на витамински суплементи и одредни билни екстракти може да биде штетна за бубрезите.
Не претерувајте со лековите кои се добиваат без рецепт. Таблетите кои ги земате на овој начин, како ибупрофенот и други може да предизвикаат ако се земаат редовно подолг период, предупредува д-р Сајмон. Ако имате здрави бубрези и повремено користите лекови против болка, тие не претставуваат ризик. Но, ако пиете против хорнична болка или артритис, д-р Сајмон вели дека би требало да се консултирате со својот лекар за да следи што се случува со бубрезите.
Ако сте во ризична група одете редовно на преглед на бубрезите. Ако имате дијабетес или висок крвен притисок, вашиот лекар треба да проверува дали бубрезите нормално работо, како рутинска контрола.
