Еден мит за здравјето може да “преживее“ дури и кога бројни истражувања ќе докажат дека всушност се работи за – невистина. Кои се тие митови кои најчесто се врзуваат за здравјето, ви откриваме во продолжение.
Еден час по оброк не пливајте бидејќи ќе дојде до грчеви во мускулите
Оваа урбана легенда е присутна од минатиот век, а се верувало дека до грчење доаѓа поради големата количина на кислород во крвта кој е потребен за дигестија, но факт е дека се мали шансите да имате проблеми со грчеви, ако пливате после јадење.
Ако седите преблизу до ТВ екран, може да го уништите видот
И денес многу родители се грижат дека детето ќе страда поради оштетување на видот ако постојано гледа во екрани. Според пишувањата на Американската академија за офталмологија, тоа нема да случи, иако може да предизвика напрегање на окото.
Артритисот се јавува само кај повозрасни лица
Две третини од лицата кои страдаат од артритис се на возраст под 65 години, а постојат околу 100 форми на болеста кои можат да влијаат на луѓето од сите возрасти. Оваа болест погаѓа и три од 1.000 деца, а јувенилниот ревматоиден артритис е една од вообичаените болести кај децата.
Децата поради консумирањето шеќер се хиперактивни
Не постои научен доказ кој би ја потврдил врската помеѓу консумирањето шеќер и хиперактивноста. Сепак, шеќерот не е безопасен кога се во прашање децата. Бројни студии покажале поврзаност помеѓу пиењето засладени напивки кај децата и вишокот килограми.
Ако ви е студено, ќе настинете
Ладниот воздух во зима не е фактор кој предизвикува сезонски настинки. За време на постудените денови, поминуваме повеќе време во затворен простор, кој често не е добро проветрен, па лесно можеме сами да го “собереме“ вирус доколку во просторот престојувало заразено лице.
Ако јадете морков подобро ќе гледате во темница
Можеби не сте знаеле, но овој мит датира од крајот на векот, а првично бил создаден од британската влада за време на Втората светска војна, која јавно ги советувала војниците да јадат моркови за подобро да гледаат во темнина. Иако морковите се добри за здравјето, тие нема да ви помогнат подобро да гледате во темница. Едно истражување покажало дека земањето на бета каротен како суплемент во текот на 12 години нема да ја забави појавата на катаракта.
Смеете да ја изедете храната што паднала на под, ако се придржувате до правилото од 5 секунди
Тоа што парче кашкавал било на подот само 5 секунди нема да спречи да внесете бактерии во организмот. Студија покажала дека некои бактерии веднаш “скокаат“ на храната штом ќе се најде на подот. Со други зборови, не постои одредено време колку храната може да стои на подот, а да сте безбедни од бактерии.
Ноктите и косата растат и по смртта
Иако ова често се споменува како факт, не е вистина. Се работи за еден вид на илузија бидејќи доаѓа до сушење на скалпот и кожата, а ноктите и косата веднаш по смртта престануваат да растат.
Ако проголтате гума за џвакање, таа во желудникот ќе остане 7 години
Ако и вам ова ви се случило кога сте биле мали, некој сигурно ви рекол дека таа ќе ви остане во стомакот уште 7 години. Можно е од тој момент да сте внимавале тоа да не се повтори, бидејќи кој сака мастика во себе толку години… Вистината е дека гумата за џвакање треба малку повеќе време да се разгради, но не се работи за години.
Губите 80 проценти од телесната топлина преку главата
Дали родителите ве предупредувале дека мора да носите капа, за да не изгубите од телесната топлина? Секако дека е целосно невозможно тоа да се случи, а моментот кога тоа може да се случи, секако во многу помала мера, е кога ќе излеземе надвот на студено и тоа само затоа што целото тело ни е заштитено, освен главата. Истото би се случило и ако боси излеземе на снег.
Органската храна не содржи пестициди
Дури и оние најупорните производители не можат да гарантираат дека производот нема да содржи пестициди. Ветерот и водата лесно може да ги контаминираат производите со пестициди, а што е уште поважно, иако некои производители користат органски пестициди, тие исто така може да бидат многу токсични.
Ако “гледате вкрстено“, очите ќе ви останат во таа положба
Дури и ако тоа го направите многу пати, тоа нема да ви се случи. Можеби ќе дојде до грчење или напрегање на окто, но тоа е се што може да ви се случи.
Дезодорансите предизивкуваат рак на дојка
Постои верување дека кога спречуваат потење, спречуваат и телото да се ословоди од токсините, а со самото тоа се зголемува и шансата да се развие рак на дојка. Сепак, најважната задача на потењето е нашето тело да се разлади, а не телото да се ослободи од токсините. Истражувањата до денес не пронашле поврзаност помеѓу користењето дезодоранс и појавата на рак на дојка.
“Пукањето“ на зглобовите предизвикува артритис
Веднаш може да се каже дека тоа нема да доведе до артритис. Звукот што го слушаме е предизвикан од пукање на меурчињата од синовијалната течност, супстанца што се наоѓа во зглобовите и превенира триење помеѓу коските.
Јадете појадок за да намалите од телесната тежина
Секако, оваа навика им помага на некои луѓе да ослабат бидејќи ве прави сити и ве спречува постојано да грицкате пред следниот оброк. Истражување на Универзитетот Корнел покажлоа дека лицата кои немаат навика да појадуваат, на крајот од денот, внесувале 400 калории помалку од оние кои верно ја следат навиката за појадокот како важен оброк. Но и двете теории не важат за сите. Пробајте што вам ви одговара.
Вакцините го слабеат имуниот систем
Аико денес децата примаат повеќе вакцини во споредба со нивните баби и дедовци, студиите покажуваат дека тие не влијаат на слабеење на имуниот систем.
Зелената слуз е знак на инфекција
Јасно е дека ќе бидете повеќе загрижени ако се појави зелена слуз носот, отколку проѕирна, но бојата на слузта всушност зависи од тоа колку клетките на имуниот систем се борат против инфекцијата, а не од сериозноста на вашата состојба. Понекогаш тоа може да биде и резултат на обична настинка.
Чоколадото е силен афродизијак
Чоколадото не е афродизијак. Студиите покажуваат дека нема научна поврзаност, но можеби тој сладок залак има психолошки ефект на либидото.
Потребно е да се испијат 8 чаши вода во текот на денот
Нема научна студија која ова ќе го потврди, но стручњаците советуваат дека жените треба да пијат околу 2.7 литри вода во текот на денот, а мажите 3.7 литри.
Јајцата се лоши за здравјето
Популарно е верувањето дека јајцата не се добри бидејќи можат да го подигнат нивото на холестерол. Сепак, истражувањата покажуваат дека јајцата, дури и ако јадете 12 од нив неделно, нема да влијаат лошо на вашето здравје. Истото истражување покажува дека тие нема да влијаат на холестеролот, покачување на шеќерот или крвниот притисок.
