Бебињата не се толку беспомошни како што изгледаат. Можат да дишат и да голтаат истовремено, да препознаат дали ги сакате или не, да се смеат 300 пати на ден и имаат толку силен стисок што може да ја задржат целата своја тежина ако се фатат со малите прстенца за нешто. Се разбира, премали се и зависат од нас, но следниве 25 фасцинантни факти ќе ви покажат дека тие мали нежни суштества поседуваат и некои супермоќи.

  1. Новите истражувања покажуваат дека бебињата почнуваат да го регистрираат говорот уште десет недели пред раѓањето, а тоа е многу порано отколку што се мислело.
  2. Бебињата се раѓаат со многу софистициран слух. Можат да одредат од каде доаѓа звукот веќе десет минути по раѓањето.
  3. Неколку часа по раѓањето се способни да го разликуваат гласот на мајката од другите.
  4. По 12 месеци големината на мозокот им станува двојно поголема. Мозокот на новороденчињата тежи 10 проценти од вкупната телесна маса, додека кај возрасните процентот изнесува 2.
  5. Главата на новороденчето е околу 25 проценти од неговата вкупна телесна тежина.
  6. Околу шестиот месец од животот бебето ја удвојува својата тежина, а до првата година и тројно ја зголемува.
  7. Забите започнуваат да растат уште во матката шест месеци пред да се роди бебето.
  8. Бебињата можат да дишат и да голтаат истовремено, а оваа способност ја губат приближно во седмиот месец од животот.
  9. Се раѓаме со способност да пливаме и природно да го задржиме нашиот здив. Овој инстинкт брзо исчезнува.
  10. Стисокот на новороденче е толку силен што може да ја задржи целата својата тежина ако се фати со прстите за нешто.
  11. Дури по три седмици бебињата почнуваат да плачат со солзи. Пред тоа, тие едноставно само врескаат.
  12. Бебињата се раѓаат со 300 коски, а возрасните имаат 206. За време на растењето некои од нив се спојуваат.
  13. Немаат формирано чашка на коленото се до шестмесечна возраст или нешто подоцна. Тогаш и паѓањето е многу поболно.
  14. При раѓањето имаме повеќе рецептори за вкус отколку подоцна. Се наоѓаат и на врвот на устата, од страна и позади, а не само на јазикот.
  15. Рецепторите за солено на јазикот се развиваат приближно по четвртиот месец од животот.
  16. Детето може да го препознае мирисот на мајката, но, исто така, и мајката, со врзани очи, по мирисот може да го разликува своето бебе од сите други.
  17. При раѓање, срцевиот ритам е најбрз, дури 180 отчукувања во минута. За само неколку часа, ударите се намалуваат на 140. Кај едногодишно дете се смирува веќе до 115 пати во минута, а кај возрасните е само 70-80 пати.
  18. Просечно бебето за една година троши околу 2700 пелени.
  19. Околу половина година е потребно детето да научи дека секој предмет е сам за себе. Пред тоа, секогаш кога ќе види птица, мисли дека е истата птица.
  20. На Институтот за учење и мозок во Вашингтон, во 2007 година беше спроведен експеримент со бебиња од 18 месеци. Откриле дека бебињата се „натприродно“ чувствителни на промени на расположението околу нив и дека можат да препознаат дали ги сакате или не, дури и кога не ви го гледаат лицето.
  21. Бебето е кратковидно до шест месеци старост.
  22. Според информациите од август 2014 година, 4-5 бебиња се раѓаат на секоја секунда во светот.
  23. Родените на повеќе од две недели пред терминот, во почетокот не можам да се потат.
  24. Новородените бебиња обично им „одземаат“ на секој од своите родители по 350 до 400 часа спиење во текот на првата година.
  25. Бебиња просечно се смеат 300 пати на ден, а возрасните само 60 пати.

Опуштете се, децата се совршени совршени мали машини, кои не можат секогаш да се стават во табели и просеци. Уживајте со нив и смејте се!

 

ПОВРЗАНИ НАПИСИПОВЕЌЕ ОД АВТОРОТ