Без оглед на тоа дали се работи за лук, црвен или бел кромид овој зеленчук навистина поволно влијае на здравјето. Содржи помали количества витамини (особено витамин Ц, Б6 и Б9) и калиум и манган од минералите, како и изобилство на антиоксиданси меѓу кои се истакнува кверцетинот.
Една студија ја истражувала поврзаноста од консумирање лук и кромид со ризикот од појава на карцином кај испитаници во Италија и Швајцарија. Се покажало дека личностите кои почесто го користат овој зеленчук во исхраната имаат помал ризик од карцином.
Во една друга ситуација е утврдено дека жените постари од 50 години кои почесто го консумираат овој зеленчук имаат поголема минерална густина на коските и за 20 проценти помал ризик од фрактура на колкот во споредба со жените кои никогаш не го јадат.
Лукот и кромидот придонесуваат за здравјето на дигестивниот тракт благодарение на тоа што содржат инулин, вид влакна кои имаат пребиотичко дејство и го поттикнуваат растот на пријателските бактерии во цревата.
Истражувањата покажале дека овој зеленчук (како и нивниот сок) може да доведе до намалување на нивоата на вкупен и ЛДЛ холестерол, доколку редоно се консумира, и тоа во период од најмалку 8 недели.
Исто така, ја подобрува апсорпцијата на ликопен од доматите. За овој ефект заслужни се сулфурните соединенија. Ликопенот, инаку е антиоксидант кој може да се поврзе и со помал ризик од кардиоваскуларни болести и карциноми. Овој антиоксидант, исто така, поволно влијае на здравјето на очите и мозокот.
