ХРАНА И ЛЕКОВИ: Ако пиете антибиотици, ова ни случајно НЕ СМЕЕТЕ да го јадете!

Некои лекови и некои намирници едноставно не одат заедно. Храната може да го намали дејството на лекот, да го спречи или отежни варењето, но и лекот може да направи хаос, може да го убие апетитот или да го спречи телото да ги искористи хранливите состојки, витамини или минерали.

Негативното дејство на намирниците кои не се согласуваат со земениот лек се гледа во тоа што организмот не го користи целиот внесен лек, туку само еден негов дел. Дејството на интеракцијата на храната и лековите не е секогаш исто. Варира и зависи од дозата на земениот лек, составот на оброкот, полот, возраста, градбата на телото, како и општата здравствена состојба на пациентот. На најголем ризик изложени се децата, постарите луѓе, адолесцентите, потхранетите, хроничните болни, пушачите и алкохоличарите, па затоа за овие групи треба да се води најмногу сметка за несогласувањето на храната и лековите.

Антихистаминиците (лекови за алергија), аналгетиците (лекови за болки) и антипиретици (лекови за висока температура) земајте ги на празен стомак.

Статини (лекови против зголемени маснотии) земајте ги со вечерата затоа што тешко се апсорбираат.

Аспирин и кортикостероиди пијте на полн стомак. Кортикостероидите бараат храна богата со протеини, витамин Д и калциум.

Антибиотиците пијте ги меѓу оброците затоа што масната храна го забавува празнењето на желудникот, па поголемо количество од лекот се разградува, а помало доаѓа до целта. Исклучок се сулфонамидите, хлорамфениколот и пеницилинските антибиотици, на чие искористување храната не влијае.

Лекови за висок притисок не ги земајте со храна богата со натриум, солта им го намалува дејството.

Лекови за шеќер не ги пијте со храна богата со јаглехидрати, шеќерот им го намалува дејството.



Антибиотиците за лекување на уринарни инфекции не ги пијте со сок од брусница или лимета затоа што ја менуваат киселоста на урината и го разблажуваат лекот.



Теофилинот (лек за астма) не сака црн чај и кафе.

Лекови за мокрење и АЦЕ инхибитори (лекови за висок притисок) не поднесуваат намирници со висока содржина на калиум (банани, портокали, компир, зелен листест зеленчук, домати).

Антикоагуланти (лекови против згрутчување на крвта) не треба да ги земате во исто време со темнозелен зеленчук.

Со седативи, антихистаминици, инсулин, морфин, антибиотици, бетаблокатори и некои антидепресиви забрането е да се пие алкохол. Антипсихотиците, антидепресивите и антихистаминиците предизвикуваат запек.

Антиинфламаторните лекови во комбинација на храна богата со масти предизвикуваат поспаност.

Лековите кои содржат теофилин не ги земајте со чај, чоколадо, кафе и сите кола напитоци.

Лековите за желудочна киселина не треба да се пијат со сок од портокал.

Лековите за шеќер не поднесуваат лук, исто како и лековите против згрутчување на крвта.

Лековите против главоболка и оние против алергија не ги пијте кога јадете домати, тие им го намалуваат дејството.

Лековите за алергии, контрацептивните апчиња, некои седативи, лековите за намалување на маснотиите, некои лекови за притисок и некои психијатриски лекови не треба да ги земате кога и грејпфрутот бидејќи тој го спречува разградувањето и ги претвора во отрови.

МАО инхибитори (група на психијатриски лекови) не треба да се земаат со намирници кои се богати со тирамин (сирења, јогурт, џигер, колбаси, салами, феферони, авокадо, банани, сончоглед, кисела зелка, соја сос, кофеин, пиво, вино) за да не дојде до скок на притисокот.