Рамен стомак е нешто што сите сакаме да го имаме и на сите ни е кристално јасно дека доколку сакаме да ослабеме и да ја одржиме саканата линија, потребно е да почнеме да водиме сметка околу тоа какви пијалаци консумираме. Треба да им се каже СТОП на газираните пијалаци, а да се консумираат напитоци кои ќе придонесат да ја изградите посакуваната фигура.
Во продолжение следуваат четири напитоци кои се мошне вкусни и можат да ви помогнат да се „спасите“ од масните наслаги околу половината:
Фрапе од лубеница
Можеби сега не е сезона на лубеници, но добро е да се знае овој податок. Лубеницата не само што помага да се хидрирате на природен начин, туку содржи и лековити состојки како што е ликопенот, кој е познат во превенцијата против ракот. Лубеницата ја содржи и аминокиселината аргинин, кој во организмот ги намалува маснотиите и го поттикнува зголемувањето на мускулната маса.
Ладен чај од нане
Ако не сте задоволни од стомакот и со обемот на вашата половина, не очајувајте затоа што го имаме идеалното решение. Еве што може да ви помогне – чајот од нане е одличен за освежување, а има и низа други предности. Го олеснува варењето на храната, ја спречува надуеноста на стомакот и помага во процесот за добивање рамен стомак. Сосема доволно е чајот од нане да го консумирате еднаш дневно.
Зелен чај
Еден од неизоставните напитоци за рамен стомак и здраво слабеење е зелениот чај. Помага при намалување на масните наслаги, постигнување на витка фигура, го чисти организмот од сите штетни материи. Зелениот чај е одличен оксиданс и не е добар само за здравјето, туку и го полни организмот со дополнителна енергија.
Вода со овошна арома
И водата со арома на овошје може да биде добар сојузник во борбата против вишокот килограми. Лимон, портокал, нане, киви, босилек, ананас… вашето омилено овошје додадете го во водата и уживајте. Напитокот не само што го спречува задржувањето на водата во организмот, туку и го забрзува процесот на слабеење.
