Полесни тегоби и болки се дел од секојдневниот живот – секој понекогаш почувствува напнатост и главоболка или “вознемирен“ желудник. Но, болката може да значи и дека е во прашање некоја сериозна состојба.
Како да се разликува неважната тегоба од предупредувачките симптоми? Ова е листа на четири видови болка, кои не смеете да ги игнорирате.
- БОЛКА ВО ЗГЛОБОТ
Повеќето превитукувања и истегнувања престануваат да прават проблеми неколку дена по повредата. Но, ако исчашениот зглоб и натаму боли, треба веднаш да се посети лекар. Не мислете дека болката ќе помине сама од себе.Стручњаците потврдуваат дека многу често луѓето ја потценуваат тежината на повредата и на крајот само ја влошуваат состојбата. Резултат? Оштетување на ‘рскавицата и коската, и со тек на време појава на артритис, а понекогаш е потребен и хируршки зафат.
- БОЛКА ВО СТОМАКОТ
Болката во стомакот е тешко правилно да се протолкува, оти навистина може да значи многу – од бенигни болки предизвикани од прејадување, до опасни болки поврзани за канцерогени заболувања. Со оглед дека во стомашната шуплина се сместени голем број органи, да се утврди вистинката причина за болка не е лесна работа. Всушност, болката во стомакот понекогаш не е предизвикана од абдоминални проблеми, туку се во прашање срцев удар или воспаление на белите дробови.
Иако не е потребно да се оди на лекар за блага болка која се појавува и исчезнува, стручњаците препорачуваат посета на лекар ако е во прашање остра, хронична болка проследена со пролив, запек, повраќање, како и појава на оток на подрачјето на стомакот.
- БОЛКА ВО КОЛЕНОТО
Нови вежбачи или оние кои излегле од кондиција се склони кон повреди на коленото, и станува збор за релативно чести видови на повреди. Фиксирање на коленото, ладни облоги, одмор и подигање на ногата на повисока подлога се ефикасни совети за мали повреди. Но, ако ситуацијата не се поправи и по три до седум дена, побарајте лекарска помош. Истото важи и ако не можете да се потпрете на ногата, или се присутни видливи деформации и отоци, оштра болка и зголемена температура.
- ГЛАВОБОЛКА
Главоболките често се појавуваат како резултат на напнатост или стрес, а едноставните животни промени се ефикасен лек за таквите случаи. Но, ако почувствувате изненадна главоболка, а не сте склони кон тоа, или пак почувствувате нагла, прободувачка болка, веднаш посоветувајте се со лекар. Останати знаци за узбуна се многу силна главоболка, губење на помнењето, зголемена температура или главоболка која следи по повреда на главата.
