Современиот начин на живот носи многу стрес, но и многу нови знаења како да се справите со него и што повеќе да уживате во секој нов ден. Со оглед на тоа што напредуваме во сите погледи, а животниот век е се подолг, не е никакво изненадување што 40-тите години се прогласени за нови 20-ти! Ако се сомневате или потајно велите не, во продолжение дел од аргументите во прилог на „новите 20-ти години“. Листата ја направи „Хафингтон пост“.
Донесување одлуки
Можеби не сте забележале, но веќе не се грижите премногу за тоа како вашите одлуки ќе влијаат на се околу вас. Знаете што е исправно и не плашите од последиците. Тоа е како вистинско чувство за слобода. Ако мислите дека се уште не сте го достигнале ова ниво, ставете се во ситуација како да немате и размислете што би направиле. На тој начин лесно ќе ги добиете насоките кои ќе ви олеснат да донесете правилни одлуки.
Имате поголема самодоверба
Сигурно знаете за она гласче во вашата глава, кое понекогаш станува прегласно и упорно ви вели дека не сте доволно паметни, снаодливи, способни, убави или слаби. Но, во што е разликата сега? Едноставно, во четириесеттите години знаете како да го зауздате и како да се носите со оние „лоши денови“ или, пак, да бидете поподготвени за неочекувани предизвици.
Го слушате својот инстинкт
Во некои минати денови сигурно сте биле посклони да го потиснете инстинктот, кој ви говорел дека некои одлуки или постапки не се во ред, но досега требаше да научите дека едноставно не смеете да работите против себе. Жените имаат неверојатна способност точно да ги проценат животните ситуации благодарение на инстинктот, но често ја пропуштаат оваа можност. Одважете се и бидете свои!
Тревата не е позелена од другата страна
Конечно сфативте дека сите имаат свои проблеми, само не зборуваат за нив? Всушност, тоа е многу логично, бидејќи ако веќе се најдете на кафе со неколку познанички, повеќе време ќе поминете во разговор за убави работи, отколку секој со секого да споделува проблем кој го мачи. Тогаш, кај ќе ви биде крајот?! Замислете како, на пример, би изгледал Фејсбук ако сите таму ги објават своите проблеми?!
Не ги сфаќате работите премногу сериозно
Сте научиле дека ништо нема да се случи ако задоцните на работа поради гужва во сообраќајот и нема да се нервирате затоа што и онака не можете ништо да промените. Да, тоа повеќе не е момент во кој панично ќе му се јавите на шефот и ќе му ветите дека ќе останете покасно на работа. Сега ќе пратите пристојна СМС-порака и ќе уживате во времето што го имате за себе. Појачајте го гласот од радиото и пејте на цел глас!
Го барате она што ви припаѓа – Ако ви се даде можност да напредувате или да го добиете она што ви припаѓа, ќе одговорите без задршка бидејќи знаете колку вредите
Конечно опуштена
Умеете што повеќе да уживате во моментите, на пример, да почнете да танцувате во средината на дневната соба или да запеете на цел глас, да се глупирате пред сопругот или едноставно да се опуштите со пријателките, без оние грижи кои секојдневно ве притискаат.
Секогаш постои план Б
Досега веќе сте поминале, како што се вели, и сито и решето. И, за среќа, сте научиле дека речиси сите работи може да се решат или расплетат сами од себе. Во 40-тите години, жената знае поради кои работи треба да се грижи и дека тоа е попатна неволја која брзо ќе помине.
Знаете кој ви одговара
Ниту една токсична пријателка повеќе не треба да биде присутна во вашиот живот. Проблемот е во тоа што таквите луѓе обично им ја цицаат енергијата на сите, а не се способни ништо да дадат за возврат. Тоа едноставно е дефиниција за лош однос.
Поцврсти сте
И со телото и со духот. Свесни дека годините сепак носат различни оптоварувања, не го вежбате само телото, туку и умот. А тоа значи дека сте поспособни да го отфрлите некој непотребен товар што ви се мота низ главата. Можете без исцрпувачки анализирања и работи кои ве влечат кон дното.
Поубави сте отколку порано, погледнете се – Многу жени дури во 40-тата година се свртуваат кон здравата исхрана и вежбање, и тогаш едноставно процветуват. Но, главната причина за ова е тоа што конечно го прифаќаат своето тело и изглед, па потоа и стануваат свои, поопуштени, позабавни и на сите им изгледаат позгодно.
Го пронајдовте својот стил
Да, го пронајдовте и сега, посебно ако отсекогаш сте внимавале на физичкиот изглед, повеќе отколку порано уживате во дотерувањето. Се чувствувате слободно, бидејќи знаете каква боја на коса или каква облека најмногу ви одговара и неоптоварено уживате во шопингот или дружењето со пријателките.
