Немате време за вежбање или едноставно не ви се „губи“ време во теретана?! Еве едно мошне важно научно откритие кое може да ви се најде – чаша вино во основа е исто толку здрава колку и еден час вежбање!
Шегата на страна, но до ова сензационално откритие дошле на Универзитетот Алберт во Канада. Откриле дека ресвератролот, полифенол кој природно се наоѓа во кожичката на црното грозје, па така е и состојка на црното вино, има еднакви придобивки за здравјето како и вежбањето. Ресвератролот очигледно ги подобрува физичките перформанси, работата на срцето и силата на мускулите – да не се заборави, секако, ниту „пумпањето“ на оној бицепс кој ни служи за кревање и спуштање на чашата.
„Ресвератролот може да биде „замена“ за вежбање или барем да го зголеми влијанието кое го дава скромно вежбање“, рекол водачот на истражувачкиот тим Џејсон Дик.
Ете црно на бело, против фактите не можеме!
Уште нешто на истата тема што не е лошо да се има предвид!
Најстариот човек на светот открива: ТАЈНАТА Е ВО ВИНОТО!
Шпанецот Франциско Нунез Оливеира има 113 години и е најстар човек на светот. Вели дека за својата долговечност може да му се заблагодари на фактот дека секој ден пие вино.
Роден е на 13 декември 1904 година и е најстар човек во светот, откако претходниот носител на титулата почина во август минатата година. Живее во мало гратче во западниот дел на Шпанија, каде и е роден. Тој секојдневно консумира вино и зеленчук од својата градина, а неговиот рецепт за добро здравје и долг живот гласи: Секој ден пијте по една чаша вино и јадете овошје кое самите сте го одгледале!
