Веројатно, ниту помислувате дека вака „безначајни“ навики можат да имаат фатални последици. ’Рбетот е буквално склоп на коски кои го држат телото во едно парче и му овозможува да се движи. Токму заради тоа мошне е важно за него да се грижите сиот свој живот. Но многумина од нас несвесно, буквално го уништуваат секојдневно, и тоа низ низа активности за кои никогаш ниту сме помислиле дека би можеле да имаат каква било врска со ’рбетот.
Миење заби
Дали и вие како и многумина забите ги миете навалени над мијалникот? Грешка! Во оваа положба врз ’рбетот се врши голем притисок. Додека ги миете забите, исправете се и со слободната рака потпрете се на ѕидот или мијалникот.
Носење товар
Завртете се околу себе самите и ќе видите – многу луѓе кои носат и по неколку кеси во една рака, а другата ја држат слободна, заради тоа целото тело се искривува на една страна, односно на онаа без товар. Товарот секогаш распоредете го во еднаков број ќеси и носете го во двете раце.
Миење садови
99 отсто од луѓето додека мијат садови стојат полусвиткани. Дисковите во торакалниот дел заради тоа брзо се „трошат“, па мошне брзо ќе се појави болка меѓу лопатките. Решение е за време на миењето садови коленото од едната нога до ставите на малечко столче. Тоа значително ќе го намали притисокот и ќе ја смени положбата на ’рбетот.
Миење подови
Ако не секој, ама повеќето жени ги бришат подовите барем еднаш неделно. Ако тоа го правите на старински начин – со помош на крпа и кофа – не знаете со тоа колкава штета си правите! Клечењето, свитканиот грб и острите движења со рацете се мошне опасни за здравјето на ’рбетот. Место тоа, купете четка или бришач со подолга „дршка“, за да можете да ги исчистите подовите без да се виткате.
Носење ранец на едното рамо
Тешките торби и ранците кои се носат на едно рамо исклучително го оштетуваат здравјето на ’рбетот. Заради тоа одберете ранец и носете го на двете рамена или носете торба која ќе биде лесна, без товар поголем од 5 килограми на што жените се прилично склони.
Обување
Претпоставуваме дека се обувате и ги врзувате врвките така што ќе се навалите и ќе ја завршите оваа работа додека крвта ви удира во образите заради тоа што главата е завртена кон подот. Оваа положба прилично неповолно влијае на дисковите и создава притисок, предизвикувајќи неопходните ’рбетни суптанци да го напуштат ’рбетот заради што тој практично се истенчува. Заради тоа имате бодежи во тој дел од телото. Едноставно седнете на столче или дури и на подот и облечете се или врзете ги врвките.
Симнување товар од високи полици
Кога се подигнувате за да дофатите нешто ’рбетот се истегнува. Замислете што се случува со дисковите кога во тој момент врз нив ќе се „урне“ куфер, макар и празен?! Стручњаците ова го споредуваат со фрлање цигла врз балон. Дисковите, се разбира, нема да пукнат како балон, но со текот на времето последиците би можеле да станат сериозни, доколку ова ви стане навика. Ако ви е потребен некој предмет кој се наоѓа на висока полица или орман, едноставно земете столче, качете се и дофатете го. Идеално е предметот кој ви е потребен да биде во висина на градите, се разбира, кога ќе се качите на столче.
