Следуваат пет грешки кои сигурно ги правите во обидот што е можно поскоро да ја „избркате“ настинката:

Претерувате со лекови

Штотуку испивте лек за ублажување на болката во грлото, поминаа веќе 15 минути и ништо не се случува. Зошто не земете уште нешто? Ова е потполно погрешно! Треба да се има на ум дека повеќето лекови почнуваат да делуваат после најмалку половина час. Проблемот е во тоа што кога сте настинати, нетрпението е поголемо затоа што сакате иритацијата и болките што е можно поскоро да поминат. Морате да се научите да се воздржувате и да бидете трпеливи. Внесувањето лекови повеќе отколку што е потребно нема да направи ништо, освен што може да предизвика други симптоми.

Прејако го дувате носот

Нормално е ова да се прави при настинка, но носот не треба да се „дува“ пречесто. Со постојаното дување носната течност може да се доведе до синусните шуплини. Во носната течност има најразлични бактерии и вируси, а кога тие ќе завршат во синусните шуплини може да предизвикаат инфекција.

На работа претерувате со кафе

Можеби мислите дека кафето ќе ви обезбеди големо количество енергија и ќе би помогне да го „истуркате“ денот, но на вашето тело му е потребен одмор и хидратација. Кафето нема да ви помогне, освен што ќе го исуши вашиот организам.

Користите капки за нос подолго од препорачаното

Кога носот е затнат постојано посегнуваме по шишенцето со капки. Дејството на капките е мошне кратко, па така никогаш не можеме целосно да „дишеме“. Нивната цел е олеснување на симптомите, а не лекување. Ако користите капки подолго од три дена, ризикувате да добиете воспаление на слузницата на носот.

Се лекувате сами

Секој од нас има своја мала домашна аптека и кога ќе настине одењето на лекар му е последната опција. Не се потпирајте на сопственото знаење за настинките и информациите собрани од интернет, туку појдете на лекар. Никогаш не може да знаете дали е во прашање настинка, бактериска инфекција или нешто трето.