Човечкото тело е еден беспрекорен механизам кој е поврзан повеќе од што мислиме. Така, причината за физичка болка може да биде психичка, но и обратно. Ниту непријатната болка во градите, која често се јавува, не е исклучок. Освен болка во градите, како психосоматска последица, погледнете кои се и останатите најчести причини.
ЖИГОВИНА
Чувството на печење во градите, познато под називот жиговина, се јавува поради враќање на желудочната киселина во хранопроводот, поради што се јавува и непријатно печење. Оваа болка обично се јавува еден час по оброкот, а освен храната, причина може да бидат и различни лекови, емоционален стрес, но и брзо голтање на храната, како и лежење по јадење. Жиговината може да се превенира со побавно јадење, џвакање на храната, избегнување на лута храна и слично.
ИСТЕГНАТИ МУСКУЛИ
По посета на теретана, но и било какво друго дигање на голем товар, често се случува оптоварување на градните мускули. Болката која тогаш се јавува е слична со онаа при инфаркт. Најдобар совет е да не се оптоварувате со дигање тешки предмети.
ХЕРПЕС ЗОСТЕР
Станува збор за заразна болест по која на кожата се појавуваат болни меури исполнети со течност. Освен изиритирана, воспалена и болна кожа, болките може да се јават и во градите, особено ако осипот е лоциран на тој дел од телото. Не постои лек кој може да го уништи овој тип на херпес, но она што може да се направи е да се одржува кожата чиста, за да се спречи бактериска инфекција.
ПРОБЛЕМИ СО ПАНКРЕАСОТ
Само затоа што причината за болка во градите не упатува на срцев удар, не значи дека болката е безопасна. Имено, интензивните болки во градите може да упатуваат дека нешто не е во ред со вашиот панкреас, и тоа често може да означува некоја инфекција. Ако болката потрае, треба секакод а се јавите на лекар, а третманот вклучува антибиотици и лекови против болка.
КОСТОХОНДРИТИС
Оваа состојба означува воспаление на ‘рскавицата на градниот кош. Точната причина не е позната, а се претпоставува дека може да биде траума од некоја физичка повреда, физички напор, некој вирус или одредени видови артритис.
