Ако ви станало напорно постојано да трчате во аптека по препарати кои ќе ви помогнат со хемороидите, дали сте размислувале да користите домашни препарати? Се смета дека некои од нив помагаат да се смири проблемот, но секако е потребно да се информирате пред да користите какви било препарати.
“Се работи за нормален дел од анатомијата, а често не предизвикуваат болки“, вели хирургот д-р Џереми Липман. Тој советува дека сите промени што може да ги забележите, секако бараат прво преглед од лекар за да се знае дека не е во прашање некој посериозен проблем, а особено ако забележите крв. Во тие моменти, многумина ќе прибегнат кон домашни лекови, од кои некои можат да помогнат, додека други сигурно не.
Се работи за проблем кој зафаќа сè поголем број од населението, а со оглед на тоа што е еден вид табу тема, на многу луѓе им е непријатно да зборуваат за тоа и да побараат помош, а секој што ги доживеал знае дека симптомите воопшто не се пријатни.
НАЈДОБРИ ДОМАШНИ ЛЕКОВИ ПРОТИВ ХЕМОРОИДИ
Пред да ги пробате, важно е да ја добиете вистинската дијагноза, особено ако веќе сте имале хемороиди или ако сте забележале крв, вели хирургот. Дури тогаш можете да пробате некои од подготовките.
- КУПКА ВО МЛАКА ВОДА
Често, лекарите ќе ги советуваат луѓето кои имаат болни хемороиди да седнат во млака вода 15 минути, неколку пати на ден, особено по извршување нужда. Д-р Липман го истакнува како еден од најдобрите третмани, а потребно е да имате леген или сад во кој можете да седнете. Исто така, едноставно може да ја наполните кадатат со топла вода и да седнете во неа.
- ПСИЛИУМ
Тие можат да дојдат во форма на додаток за да се зголеми внесот на влакна и да ја омекнат столицата за полесно да минува низ цревата. Бидете внимателни со внесот, бидејќи премногу влакна одеднаш може да предизвикаат надуеност и грчеви. “Користете го за омекнување на столицата и поддршка на работата на цревата, а кога ќе биде мека и полесно ќе поминува низ цревата, проблемот полесно ќе се реши. Освен тоа, важно е да пиете доволно течности“, наведува лекарот.
- АЛОЕ ВЕРА
Ова растение содржи антиинфламаторни состојки кои можат да ги олеснат симптомите на хемороиди, а се покажало како особено добро за воспалителни кожни болести. Лекарот наведува дека е безбедно да се користи само чист препарат од алое вера, а не креми кои го содржат.
НАЈЛОШИ ПРЕПАРАТИ ЗА ХЕМОРОИДИ
Веројатно сте слушнале за овие две работи и како тие ќе ви помогнат да се ослободите од хемороидите, но д- Липман сака да ги избегнувате доколку можете.
- ЈАБОЛКОВ ОЦЕТ
Можеби имате јаболков оцет во вашата кујна за кој се смета дека е инстант решение за хемороиди, може да го смири чешањето на кожата и да ја намали болката. „Не го советувам овој препарат бидејќи може да предизвика иритација доколку се користи прекумерно и на тој начин само да ги влоши проблемите“; наведува д-р Липман.
- МАСЛО ОД ЧАЈНО ДРВО
Некои тврдат дека има антисептички и антиинфламаторни својства и може да го намали отокот и болката предизвикана од хемороидите. Некои рани истражувања сугерираат дека гелот што содржи масло од чајно дрво може да ги смири симптомите, но недостасуваат доволно податоци. Д-р. Липман советува да не го користите овој производ бидејќи не е доволно проучен.
Секогаш прво прашајте го вашиот лекар пред да пробате какви било производи против хемороиди, не користете ништо пред да се консултирате со стручно лице.
