Просечниот животен век на денешниот човек изнесува 78 години и девет и пол месеци. Но по прашањето на долговечноста мажите го извлекле подебелиот крај. Речиси во целиот свет жените подолго живеат од припадниците на посилниот пол. Иако овој факт е познат со децении, научниците дури неодамна се обиделе да објаснат зошто е така.
Според статистиките, новородено девојче може да очекува дека ќе живее 81 година, додека момченце родено истата година треба да очекува дека ќе живее 76 години, што е за 5 години помалку. Мажите се биолошки и социолошки во понезгодна позиција во текот на целиот живот.
5 причини заради кои жените живеат подолго
-
Девојчињата се посилни уште додека се наоѓаат во стомакот
Момченцата во стомакот на мајката се развиваат побавно, што значи дека шансите да умрат им се поголеми ако предвреме се родат заради послабата развиеност на мозокот и белите дробови, објаснува докторката Маријен Легато, професорка по клиничка медицина на Универзитетот во Колумбија.
-
Жените помалку ризикуваат од мажите
Ненамерните повреди се трета по ред причина за смрт меѓу мажите, а на женскиот список се на шесто место. За ова е виновна биологијата: дел од мозокот кој се наоѓа во предниот дел на черепот ја контролира одговорноста и пресметувањето на ризичноста, а тој дел побрзо се развива кај жените отколку кај мажите, објаснува докторка Легато. Заради тоа мажите повеќе сакаат да ризикуваат, па влетуваат во повеќе неволи кои можат да бидат погубни.
-
Жените подоцна заболуваат од срцеви болести
Срцевите болести се најчеста причина за смрт кај мажите и жените, но мажите повеќе заболуваат и почесто умираат од нив, дури и во триесеттите и четириесеттите години. Жените во просек развиваат срцеви болести 10 години подоцна од мажите, тие се заштитени од нив се до менопаузата затоа што нивните тела до тогаш произведуваат многу естроген, кој артериите ги одржува јаки и флексибилни.
Всушност само четвртина (28 проценти) од мажите одат на редовни прегледи. Мажите најчесто негираат дека се болни или ги намалуваат своите симптоми затоа што не сакаат да одат на лекар и да откријат што не е во ред, тврди Легато
-
Жените имаат подобри односи со околината
Пријателите се лековити, па луѓето со силни врски имаат 50 отсто помали шанси да умрат пред време од оние со само неколку контакти.
Повеќето мажи го задржуваат својот стрес и своите грижи за себе, додека жените бараат луѓе и зборуваат со другите за тоа, вели докторката. Исклучок се оженетите мажи што уште еднаш ги потврдува заклучоците до кои дошле многу студии: дека тие се поздрави и подолго живеат.
-
Жените подобро се грижат за своето здравје
Жените во просек 24 отсто повеќе пати одат на доктор, тврди американската Агенција за истражување и квалитет на здравствената услуга.
Всушност само четвртина (28 проценти) од мажите одат на редовни прегледи. Мажите најчесто негираат дека се болни или ги намалуваат своите симптоми затоа што не сакаат да одат на лекар и да откријат што не е во ред, тврди Легато.
