Пушењето може да го скрати животот – и покрај тоа неброено многу луѓе секојдневно палат цигара. И свесно ги игнорираат можните последици. Додуша, постојат и други работи за кои ни е очигледно јасно дека се штетни – во најлош случај истите, исто така, ќе се погрижат порано да умреме.
Седење. Да, добро прочитавте. Кој премногу седи – го ризикува животот. Но, добро, не е баш толку драматично, затоа што оној кој со години седи повеќе од три часа на ден може да си го намали животниот век за до две години, тврдат разни истражувања. Проблемот е следен: многу луѓе седат на работа, и тоа многу повеќе од три часа на ден. Се седи на училиште, на факултет или на работа. За да се одбегне штетата треба да се најде време и за движење. Кога и да е можно: не користете лифт – качете се по скалите, кусите растојанија пешачете ги, на работа одете со велосипед – а не со автомобил или барем на секој час станете и прошетајте на свеж воздух (паузите за цигара не се сметаат!).
Гојазност. Неколку килограми вишок не пречат и тоа е јасно. Но голем процент на маснотија во телото е лош за здравјето. Особено ако се работи за маснотија на стомакот. Дијабетес и затнати жили се причина на покачени масти. И маснотијата на вратот е лоша. Маснотијата на задникот и колковите во споредба со наведеното е „безопасна“.
Љубовна болка. Сите барем еднаш сме имале скршено срце. Тоа е составен дел од животот и сосема е нормално. Меѓутоа, оној кој со години е без партнер и ги загубил социјалните контакти, би можел порано да умре. И тоа дури 10 години порано, тврдат истражувањата.
Премалку сон. Или премногу. Истражувањата на Harvard Medical School покажале дека помалку од пет часа и повеќе од девет часа сон се нездрави. Нема правило колку сон им треба на луѓето за совршено да се наспијат, тоа е индивидуално. Треба да се слуша сопственото тело т.е. своето внатрешно уво.
Страв од смрт. Тоа дефинитивно не е добра идеја. Никако не можеме да го смениме фактот дека еден ден ќе мораме да умреме. Многу е подобро свесно да се ужива во животот. Имено, кај луѓето кои патат од танатофобија зголемен е ризикот од заболување на крвниот систем, за разлика од оние кои се порелаксирани и одбегнуваат стрес.
