Респираторниот синцициски вирус (RSV) често предизвикува инфекции на дишниот систем, кои најчесто се манифестираат со симптоми на инфекција на горните делови на респираторниот систем, како настинката. Овој вирус, меѓутоа, може да предизвика и инфекции на долните делови на системот за дишење, како што се бронхиолитис и воспаление на белите дробови или пневмонија. RSV кај доенчињата е најчеста причина за бронхиолитис, воспаление на малите дишни патишта во белите дробови. Речиси сите деца на возраст до две добиваат инфекција предизвикана од RSV. Кај доенчињата и малите деца инфицирани со овој вирус, симптомите на болеста се појавуваат 4-6 дена по инфекцијата, а повеќето деца закрепнуваат во рок од 7-14 дена, објаснуваат лекарите.
Д-р Андреа Џонс смета дека оваа зима може да дојде до зголемување на бројот на пациенти бидејќи повеќе не носиме маски поради КОВИД, а во Америка веќе се забележува пораст на бројот на заразени.
“Започнува како инфекција на горниот систем за дишење, а симптомите се слични на настинка. Она што ја прави опасна е што може брзо да се прошири од носот и грлото до белите дробови, каде што ќе дојде до пневмонија и бронхитис“, објаснува д-р Пурви Парик.
Човекот е единствениот извор на инфекцијата. Вирусот се шири преку близок контакт – големи капки од секрети како што се кивање, кашлање или бакнување – со болно лице и индиректно преку контаминирани предмети. Бидејќи не постои трајна заштита по инфекција со RSV, луѓето можат да се заразат со овој вирус и подоцна во животот, но овие повторни инфекции имаат поблага клиничка слика. Еве на кои симптомите треба да обрнете внимание.
ПОТЕШКОТИИ СО ДИШЕЊЕТО
Овој симптом никогаш не треба да се игнорира, а доколку не се повлече, веднаш контактирајте го вашиот лекар. Истото важи и за бебињата кај кои проблемите со дишењето може да предизвикаат потешкотии со голтањето.
ТЕМПЕРАТУРА
Ова е еден од првите симптоми, иако нема да се појави кај секого, а посебно тоа се однесува на децата. Д-р Прија Сони, педијатар, смета дека е најдобро детето да се однесе на лекар што е можно порано и дека родителите мора да реагираат на секоја промена кај детето, како што е промена на апетитот или проблеми со дишењето. Таа наведува дека моменталната ситуација во Америка е таква што амбулантите се преплавени со пациенти, па затоа е важно да се направи разлика помеѓу симптомите на грип, настинка, КОВИД или RSV.
КАШЛИЦА
Како што напоменавме, многу симптоми се слични на настинка, вклучително и кашлицата, а лекарите предупредуваат дека не треба да претпоставувате дека се работи за настинка, туку посетете лекар за да ја дознаете вистинската состојба. Кога станува збор за RSV кај малите деца, секоја минута е важна.
“Младите и постарите пациенти лесно можат да искашлуваат слуз, но бебињата не, па може да дојде до компликации со дишењето. Важно е да се исчистат нивните дишни патишта, дома или во ординација”; наведува д-р Ира Вардоно.
ТЕЧЕЊЕ НА НОСОТ
Воспалителните процеси во горниот респираторен систем може да предизвикаат течење на носот, а она што често се случува со RSV е многу слуз, поради што често ќе го дувате носот. На децата треба да им се помогне со постојано чистење на носот, а возрасните можат да користат течности за плакнења. Во просек, оваа инфекција трае околу една недела, а симптомите се најлоши на почетокот на инфекцијата.
ГЛАВОБОЛКА
Се работи за вообичаен симптом, особено кај возрасните. Но, бидејќи и обичната настинка и КОВИД предизвикуваат ист симптом, тешко е да се препознае разликата. Ќе се појави и кашлање, кивање, температура и губење на желбата за храна и вода. Значи, ако родителот ги забележи овие симптоми, можеби најдобриот совет е да посети лекар.
