Како и храна, воздух или некои креми што ги употребуваме секојдневно, така во телото секојдневно внесуваме и разни токсини. Понекогаш едноставно ги има премногу, па стануваат преголемо оптоварување за телото. Овие сигнали откриваат дека можеби е време да размислите за детоксикација, односно во прехраната да употребувате што е можно повеќе овошје и зеленчук, а помалку преработени производи и шеќер, да пиете повеќе течности, особено вода и растителни чаеви, како и да поминувате повеќе време на свеж воздух. Да, и добро да се наспиете…
Постојано сте уморни и исцрпени
Не е ни чудо што сте толку уморни! На телото му е потребно големо количество енергија за да се бори против отровите. Меѓутоа, може да му се помогне со детоксикација за да се зголемат залихите на енергија.
Патите од опстипација
Што мора надвор, мора надвор! Обично за време на големата нужда од телото излегуваат многу токсини, но ако имате запек тогаш тие тешко ќе го најдат патот надвор.
Кожата се менува на полошо
Акните и црвенилото се чести знаци дека имате токсини во телото.
Имате бела наслага на јазикот
Белата наслага може да биде знак дека се насобрале премногу штетни материи во вашиот дигестивен тракт.
Без причина добивате килограми
Не сте ги смениле прехранбените или спортските навики?! Причина за дебелеењето можат да бидат хормоните, но и премногу отрови во телото.
