Кога кон крајот на 2020. се појавија нови варијанти на SARS-CoV-2 (вирус кој ја предизвикува болеста КОВИД-19), се појави загриженост дека може да ги избегнат заштитните имунолошки одговори генерирани од претходна инфекција или вакцинација, со што потенцијалната повторна инфекција е поверојатна или вакцинирањето помалку ефикасно. За да ја истражат оваа можност, истражувачи од Националниот институт за алергии и заразни болести (NIAID), дел од Националниот институт за здравство анализирале примероци од крвни клетки на 30 лица кои се инфицирале и се опоравиле од КОВИД-19 пред појавата на варијанти на коронавирусот. Тие откриле дека еден од клучните фактори на имунолошкиот одговор на SARS-CoV-2 – CD8+ Т клетки – и натаму е активен против вирусот.
Неколку претходни студии покажаа дека одредени варијанти на коронавирусот би можело да бидат посилни од имунолошката заштита од антитела и вакцина.
Но, антителата кои го блокираат коронавирусот да тој се врзе за човечките клетки, се само еден дел од приказната, се вели во оваа последна студија на научниците од (NIAID) објавена завчера.
Втор дел од приказната се лимфоцитите Т, а се нарекуваат и “убијци Т-клетки“, бидејќи тие ги елиминираат заразените клетки и така заедно со антителата попречуваат најтепки форми на болеста.
Научниците проучувале и дали Т-клетките ќе бидат способни да ги препознаат трие главни (позаразни) варијатни на SARS-CoV-2, а тоа се В.1.1.7 (која се појави во Велика Британија), потоа В.1.351 (идентификувана во Јужна Африка) и В.1.1.248 (варијанта од Бразил).
Секоја од тие варијанти носи мутација во подрачјето на протеинот С (spike), “шило“ на површината на вирусот со помош на кое ги напаѓа човечките клетки, особено во случај на јужноафриканската варијанта B.1.351.
Трите позаразни варијанти се покажало дека се поопасни за антителата, кои потешко ги препознаваат.
Во случај на коронавирусот, антителата се врзуваат на шилото за да спречи вирусот да ги инфицира клетките, а лимфоцитите Т (Т-клетките) се задолжени за “убивање“ на веќе заразените клетки.
Научниците утврдиле дека одговорите на Т-клетките главно се зачувани и дека тие може да ги препознаат практично сите мутации во проучените варијанти, а што не е случај со антителата.
“Нашите податоци, но и резултатите од други групи, покажуваат дека Т-клетките во одговорот на КОВИД-19 кај поединци заразени со првите варијанти на коронавирусот можат комплетно да ги препознаат новите главни варијанти од Британија, Јужна Африка и Бразил“, вели Ендру Ред од Националниот институт за алергии и заразни болести и Универзитетската школа за медицина Џон Хопкинс, која го водела истражувањето.
Оваа студија ја дополнува претходната, која исто така сугерираше дека заштитата со Т-клетките е зачувана и пред останатите варијанти на коронавирусот.
