Се работи за ендоскопска дијагностичка метода која му дозволува на лекарот да ја прегледа состојбата на хранопроводот и слузницата, внатрешноста на фаринксот, желудникот и дванаесетпалачното црево. Ова испитувањe е неизбежна метода на дијагностика кај пациенти со проблеми во горниот дел од дигестивниот систем.
За време на прегледот, флексибилната цевка, која се нарекува ендоскоп, нив устата се спушта во хранопроводот, желудникот или дванаесетпалачното црево. Таа цевка има камера на крајот која е осветлена и поврзана со монитор, што на лекарот ќе му овозможи да ја провери состојбата на органите за да се потврди или отфрли сомнежот за неправилности, како воспаление или чиреви.
При прегледот, може заради биопсија и анализи да земе парче од потребното ткиво, а тоа се отстранува целосно безбедно со еднократна пинцета која се воведува низ ендоскопот. За време на прегледот може да се направи и фотографија што може да ја чувате при идни прегледи.
КОГА Е ПОТРЕБНО ДА СЕ ОДИ НА ГАСТРОСКОПИЈА?
Лекарот ве советувал да направите гастроскопија за да откриете што ги предизвикува вашите симптоми. Резултатот ќе му помогне на лекарот да одлучи кој третман е најдобар или кои други прегледи треба да ги направите.
Гастроскопија може да се советува од повеќе причини: проблеми со варењето на храната, анемија, ненадејно слабеење, повраќање, крварење, киселина од желудникот или проблеми со голтање. Може да се користи и како техника за проверка на минати дијагнози и дали лекувањето било успешно.
МОЖЕ ЛИ ПРЕГЛЕДОТ ДА СЕ НАПРАВИ СО АНЕСТЕЗИЈА?
Во некои здравствени установи се користи и спреј поради локална анестезија која се шприца во грлото, а ефектот е сличен на оној откако ќе примите анестезија кај стоматолог. Му помага на лекарот полесно да го направи прегледот, а и да се опушти пациентот. Во овој случај, пациентот компелтно е свесен при прегледот, па лекарот може а коментира што гледа за време на истиот. Анестезија може да се даде и преку игла со цел пациентот, ако е многу нервозен и се плаши, се опушти.
Во овој случај, не можете да се вратите на работа истиот ден, но ако прегледот е направен без седација, можете да продолжите со нормални активности.
КАКО ИЗГЛЕДА ГАСТРОСКОПИЈАТА?
По примањето на локален анестетик во грлото и поставување на пациентот во лежечка положба на левата страна, се почнува прегледот со вовлекување на ендоскопот низ усната шуплина во хранопроводот и потоа лицето нормално диши на уста и на нос, а секретите се слеваат во посебен сад.
КАКО ДА СЕ ПОДГОТВИТЕ?
За време на гастроскопскиот преглед, пречи било каква содржина во шуплината на дигестивниот тракт и потребно е пациентот да биде со празен стомак на денот на прегледот, а претходната вечер се препорачува само лесен оброк. Пациентите кои земаат антикоагуланси или лекови против згрутчување на крвта, мора да паузираат 5 дена пред прегледот. Пациентите кои земаат инсулин треба да се консултираат со лекар при закажување на овиој тип на испитување.
