Пандемијата се уште не е готова. И понатаму секојдневно се евидентираат висок број на новозаразени. Поради тоа, секој од нас во својата околина или поширокото семејство има некој кој моментално е дома или неодамна прележал КОВИД-19.
Меѓутоа, забележани се и многу случаи да лице има симптоми по близок контакт со заразено лице, но тестот на коронавирусот да е негативен. Таквата ситуација не ги радува стручњаците бидејќи потенцијално е опасна – ако лицето всушност е заразено, а тестот е лежано негативен, постои можност да ја прошири заразата. Тешко е веднаш да се одреди дали лицето навистина избегнало инфекција со коронавирус или тестот е лажно негативен.
Еве неколку причини зошто тоа може да се случи.
- Лажно негативни тестови се можни
Негативни резултати на тестовите кај лицата со симптоми во најголем број на случаевите се покажале како лажно негативни. И златниот стандард ПЦР тестот може да биде лажно негативен, а најчестата причина е неправилното земање на примероци. Имено, ПЦР тестот има чувствителност околу 60% и затоа за целосна точност, примероците треба да се соберат според протокол.
- Количината на вирусот во телото е помала
Мала количина на вирусот во телото по инфекција, исто така може да биде една од причините за негативен тест. Тоа не значи дека лицето не може да има симптоми, но според сите досегашни истражувања, лицата кои имаат мали количини на вирусот во себе, веројатно послабо и поретко го пренесуваат.
- Зошто тоа е загрижувачки?
Како што постојано истакнуваат стручњаците, лажно негативниот тест може да доведе до ширење на инфекцијата, со оглед дека лицето не е свесно дека носи коронавирус. Ако притоа не се лекува соодветно, тоа го зголемува ризикот од развој на тешки симптоми и хоспитализација, а потоа повторно и пренесување на вирусот.
- Што да направите ако се сомневате?
Ако сте биле во контакт со лице кое е позитивно на коронавирус или сте развиле сериозни симптоми при несвесен контакт, изолирајте се.
Ако ПЦР тестот се покаже негативен, разговарајте со матичниот лекар и проверете ја крвната слика во друга лабораторија.
