Не страдате од несоница, срцето ви работи како што треба, немате главоболки, па сигурни сте дека го држите стресот под контрола? Но, постојат и симптоми кои можеби до денес не сте ги поврзувале со стресот, но стручњаците сметаат дека токму тие може да го разоткријат!
САМО САКАТЕ ДА СПИЕТЕ…
Дали некогаш сте биле преплавени со емоции, да едноставно сте почувствувале потреба дека морате да отспиете? Можно е да сте биле само уморни, но тоа може да биде и показател дека сте под голем стрес. Заморот како последица на стресот се јавува како одговор на организмот на кој едноставно му треба оддишка. Според истражувањата, 32% од луѓето го доживуваат овој симптом кога се под стрес.
Исклучителен замор како последица на стресот, може да се јави во физичка форма, како да сте истрчале пет километри, или пак како когнитивен замор, еднаков на оној кој се јавува по тежок состанок со надредените.
ЕМОЦИИТЕ ВЛАДЕАТ СО ВАШЕТО СЕКОЈДНЕВИЕ
Кога во исто време доживувате повеќе емоции, како лутина, фрустрација, страв и осаменост, вашиот организам страда. Можеби тешко дишете, мислите ви се хаотични, не можете на ништо да се фокусирате, ве мачат грижи и случувања од минатото…
“Преплавени со емоции значи силна емоционална реакција во секој момент кога лицето мисли дека нема капациетет за одговори на ситуацијата како што треба. Важно е да се научи како да се фокусира на она кое во моментот се случува, а не на мислите за тоа како во минатото не сте изрегаирале добро на стресна ситуација“, појаснува д-р Ариел Шварц.
НЕ МОЖЕТЕ ДА СЕ МРДНЕТЕ
Во стресни ситуации, понекогаш се чувствуваме парализирано, не можеме да се помрднеме, тешко го контролираме дишењето и чувствуваме како да сме заглавени во место. Кога сме во ситуација која може да биде опасна по живот, често организмот одговара така што ќе се “блокира“ за да одбрани. Но, тоа може да се случи и кога се во прашање ситуации кои не се опасни по живот, туку и кога се чувствуваме беспомошни.
ВИ СЕ ЧИНИ ДЕКА ЌЕ ИЗГУБИТЕ СВЕСТ
Доколку епизодата на стрес е проследена со вртоглавица или зашеметеност во главата, можно е да изгубите свест. Д-р Шварц наведува дека тука се работи за реакција на стрес, форма на посттрауматско стресно пореметување, како резултат на долготраен стрес кој секогаш е многу интензивен, а организмот сака да се “исклучи“ за да “преживее“.
ВЕ БОЛИ ЦЕЛОТО ТЕЛО
Штом се разбудите, чувствувате болка во целото тело како претходниот ден да сте трчале маратон, а всушност сте лежеле цел ден? Физичката болка исто така може да биде манифестација на стрес, а тука се и главоболка, желудочни проблеми и болка во мускулите. Ако тоа ви се случува, поразговарајте со стручно лице, бидејќи факт е дека сте под преголем стрес.
ЈАДЕТЕ СЕ ШТО ИМАТЕ ДОМА
Дека стресот може да предизвика прејадување, на сите им е познато. Јадењето оти сме под стрес стана вообичаен механизам кога се бориме со притисок, но тоа не е нималку здрав начин на однесување со стресни ситуации. Стручњаците нагласуваат дека ако таквото однесување не се контролира, може да доведе до пореметување во исхраната и до сериозни здравствени проблеми.
