Бубрезите се важни за здраво функционирање на телото, оти го регулираат крвниот притисок, рамнотежата на вода и електролити, и ги елиминираат штетните материи од организмот. Имајте на ум дека штетата нанесена на бубрезите, често не може да се поправи, затоа повнимавајте на следниве навики, и ако сте во можност, веднаш сменете ги!
ЉУБИТЕЛ СТЕ НА БРЗА ХРАНА
Проблемот лежи во големите количини на сол кои се наоѓаат во ваквите производи, кои не само што се лоши за здравјето на срцето, туку и за здравјето на бубрезите. Кога во организмот се днесува премногу сол, телото мора да го исфрли со мокрење, а така се губи калциум. Премногу калциум во урината може да предизвика појава на каменчиња, тврди д-р Џејмс Симон, од клиниката Кливленд.
ВИСОК КРВЕН ПРИТИСОК
Научниците на основа на испитани 280.000 жени и исто толку мажи, откриле дека високите вредности на крвен притисок може значајно да влијаат на развој на болести на бубрезите.
ПУШЕЊЕ ЦИГАРИ
Влијанието на цигарите на белите дробови и срцето е веќе познато, но истражувањата покажуваат дека пушачите се посклони да имаат белковини во урината, што е знак на оштетување на бубрезите. Болестите кои влијаат на работата на бубрезите, како дијабетес и висок притисок, исто така се влошуваат од цигарите, а на пушачите почесто им треба дијализа или трансплантација на бубрези, покажале истражувањата.
КОРИСТЕЊЕ ТАБЛЕТИ ПРОТИВ БОЛКА ПОДОЛГО ВРЕМЕ
Долготрајното користење на таблети против болки, особено во големи количини, штетно делува на ткивото и на структурата на бубрезите. И лековите на рецепт и оние без рецепт може да влијаат на намалување на дотокот на крв во бубрезите. Нестероидните антивоспалителни лекови кои се користат за лекување на болка и зголемена температура, се главна причина за тоа.
НЕ ПИЕТЕ ТЕЧНОСТИ КОГА СТЕ ЖЕДНИ
Популарно е верувањето дека на организмот дневно му се потребни 8 чаши вофа, за бубрезите добро да работат. Но, ако испиете само 6 чаши вода, на нив и тоа ќе им биде доволно за работа. Водата помага бубрезите да ги елиминираат токсините и спречува создавање на бубрежни каменчиња и инфекции, додека дехидрацијата го зголемува ризикот од тегоби со бубрезите за 20%.
ИМАТЕ ВИШОК КИЛОГРАМИ
Ова и не е посебно изненадување: Вишокот килограми го оптоваруваат телото и така ве става во ризична група за развој на бубрежни болести.
