Стручњаците напоменуваат дека контактот со комарецот мора да трае најмалку шест секунди за да дојде до реакција. Најдобра превенција од убод е таквиот контакт во целост да се избегне. “Не знаете каква реакција ќе имате, па секогаш е добра идеја да користите квалитетна заштита во природа“, велат лекарите.
ПОВЕЌЕТО “АЛЕРГИСКИ“ РЕАКЦИИ НА УБОД ОД КОМАРЕЦ ВСУШНОСТ НЕ СЕ АЛЕРГИЈА
За повеќето, убодот од комарец значи чешање и јадеж. Нормалната реакција на убод од комарец вклучува црвен оток кој чеша, се јавува за неколку минути по каснувањето и може да биде присутен до 10 дена.
“Посилните симптоми, како јазол на кожата и посилно отекување, укажуваат на поголема локална реакција позната какопапуларна уртикарија. Кога луѓето велат дека се алергични на убод од комарец или некој друг инсект, главно во прашање е посилна локална реакција на која притоа се повикуваат“, објаснуваат лекарите.
За да постави дијагноза, лекарот ќе ги земе предвид вашите симптоми, но не постои официјален тест за откривање на алергија на убод од комарец.
Што се однесува до лекувањето, тоа во целост зависи од тоа колку тие симптоми влијаат на пациентот. Но, ако убодот од комарец предизвикува проблеми како што се отекување на очните капаци или ако симптомите се непријатни и сте склони кон тешки реакции, може да се одреди терапија со антихистаминици, која помага при отоци и може да го намали ризикот од развој на реакции.
ВНИМАВАЈТЕ НА СЕРИОЗНИТЕ СИМПТОМИ!
Ретката форма на алергија на убод од комарец е системска реакција која се јавува во целото тело. Овој вид на животозагрозувачка реакција многу е почеста кај инсектите како што се пчели и оси, но ако посчувствувате било кој од следниве симптоми по убодот, мора веднаш да повикате итна помош:
- ОСИП
Нагло избивање на бледо црвен осип, кој е испакнат и чеша, а се појавува во подрачјето на убодот или по целото тело може да укажува на алергиска реакција.
- ОТЕЧЕНИ УСНИ И ОТОЦИ ВО УСНАТА ШУПЛИНА И ГРЛОТО
Било какво нагло отекување во наведеното подрачје може да биде знак за сериозна алергиска реакција.
- МАЧНИНА
Ако почувствувате изненадна мачнина, како да ќе се разболите по убодот, тоа може да биде уште еден симптом на сериозна реакција.
- ВРТОГЛАВИЦА
Чувство на замагленост во главата и нестабилност на нзое може да укажуваат на системска алергиска реакција.
- ЗГОЛЕМЕНА ТЕМПЕРАТУРА
Зголемена телесна температура е знак дека вашето тело се бори против алергија.
- ГЛАВОБОЛКА
Серизона главоболка која нагло се појавила, може да значи дека имате алергиска реакција на убод од комарец.
