Како да ги заштитите децата од бактерии и вируси – во продолжение ви нудиме седум основни чекори, кои се едноставни, но одлични во превенција од болести.
Научете ги вашите деца да ги мијат рацете кога е тоа најпотребно: по напуштање на тоалетот, допирање на животни или играње во дворот, како и пред јадење.
Измијте ги рацете на вистинскиот начин, со сапун и вода, доволно е 20 секунди триење.
Земете со себе средства за дезинфекција или влажни марамчиња кога ги носите децата на јавни игралишта и паркови, трговски центри и други места, каде што нема мијалник во близина. Добро истријте ги рацете, ако е можно и под ноктите
По подготовка на месо, измијте ја даската за сечење со топла вода и детергент, а по можност поминете ја работната површина со средство за дезинфекција. Бактериите кои вообичаено се наоѓаат во суровото месо, вклучувајќи и campylobacter, салмонела и E. coli, се поопасни од кои било други бактерии кои ги имате во куќата.
Малите повреди и гребаници измијте ги со сапун и вода, а потоа ставете некоја антибактериска маст, заштитете со завој или фластер, кој треба да го менувате секој ден, додека раната не заздрави.
Осигурајте се дека вашите деца се вакцинирани навреме.
Ако е дома некој болен, не заборавајте да ги избришете, по можност со антибактериско средство, рачките на вратите, далечинските управувачи, играчки и други предмети кои вашите деца ги допираат во текот на денот.
