Имплантациско крвавење
Еден од првите знаци за бременост кој често може да се замени со менструација е имплантациското крвавење. Се појавува од 6 до 12 ден од зачнувањето, кога ембрионот се „всадува“ во ѕидот на матката и предизвикува лесно крвавење придружено со грчеви. Со оглед на тоа дека сите симптоми укажуваат на менструација, треба да се посвети внимание на количината на крвавењето кое во овој случај е значително помало.
Чувствителност во градите
Иако се чувствителни, градите спаѓаат во најчест симптом на ПМС, но тие се и меѓу првите показатели за бременост, кога во тој случај отекуваат, а брадавиците стануваат потемни. Освен тоа чувствителноста не престанува после неколку дена, туку станува почеста.
Невообичаен замор
Исцрпеност за време на вообичаени активности, засилена потреба за одмор и зачестен замор се некои од првите знаци за бременост. Тие најчесто се јавуваат во првото тримесечје кога телото се навикнува на промените.
Потреба за често одење во тоалет
Зачестеното мокрење кое не е проследено со грчеви и болки, како што обично бива за време на ПМС е еден од симптомите за бременост. Тоа се случува заради ширење на матката која го притиска мочниот меур. За време на бременоста телото природно произведува повеќе течности, поточно се јавува потреба за течности затоа што зголемена е жедта.
Мачнина и чувствителност на мириси
Засилената потреба за одредени вкусови, солено или благо, е добро познат симптом на ПМД, како и чувството на тежок желудник. Но кога сето ова е проследено со повраќање, нуспојави кои се јавуваат наутро и навечер, се добро познати симптоми на бременост.
Блага вртоглавица
Наглите вртоглавици и чувството на слабост кај ПМС најчесто се јавуваат како резултат на големите болки кои исчезнуваат кога ќе заврши циклусот. Но доколку таквите симптоми продолжат подолг период, а менструацијата изостане тоа може да укажува на бременост. Имено слабоста ја предизвикува ширењето на матката која создава притисок во артериите на нозете и пад на крвниот притисок.
Зголемена температура
Зголемената температура и честите налети на топлина се најчестите симптоми на рана бременост. Ова често е проследено со потење и чувство на непријатност.
