Генетиката и негата влијаат во голема мера на изгледот на косата, но еден од поважните фактори за здрава коса, исто така, е избалансираната исхрана. Одделни нутритиенти се од клучна важност за здравјето на косата, како и кожата и ноктите.
А тоа се:
Протеини – бидејќи протеините се основни елементи од кои е изградена косата, логично е дека и доволниот внес на протеини е од исклучителна важност за здрави влакна.
Витамин А – себумот што го лачат лојните жлезди на кожата на главата спречува исушување на косата и скалпот, но за неговото создавање е неопходен витаминот А. Заради ова е важно во исхраната во доволно количество да бидат застапени намирници кои изобилуваат со овој витамин.
Витамини од Б-групата – овие витамини придонесуваат за добра прокрвеност на кожата на главата и ја одржуваат косата јака. За здрава коса најважни се ниацинот, пантенолот, фолната киселина, витамините Б6 и Б12. Овие витамините ги има во јајцата, пилешкото, рибата, интегралните житарки и зелениот листест зеленчук.
Витамин Ц – овој витамин на повеќе начини придонесува за здравјето на косата – најпрво ја потпомага апсорпцијата на железото додека истовремено учествува во создавањето на колагенот кој ја прави косата посјајна и го поттикнува нејзиниот раст.
Витамин Е – доволниот внес на намирници богати со витамин Е ќе помогне во заштитата на косата од кожата и сонцето, студот и предвременото стареење.
Железо – ниското ниво на железо во крвта ја пореметува нормалната исхрана на фоликулата на влакното и може да резултира со опаѓање на косата. Со овој минерал се богати намирниците како што се црвеното месо, пилешкото, рибата, зелениот листест зеленчук, леќата, сувите кајсии, семките од сусам, сончоглед и тиква.
Цинк – со вклучување на намирници богати со цинк во исхраната ќе го спречите недостатокот на овој минерал, што може да доведе до опаѓање на косата и појава на првут.
