Иако за време на менструацијата сакате сите да ве остават намира со своите идеи и замисли, гинеколозите имаат неколку добри совети кои позитивно ќе влијаат на вашето здравје.
Секој месец преживувате болка, надуеност и куп емоции кои не знаете како да ги скротите. Менструалниот циклус е тежок само по себе, а неретко и неподнослив, затоа на ниту една жена не и паѓа на памет да слуша разно-разни совети околу тоа како би требало да се однесува за време на менструација.
Сепак стручњаците рекле неколку мудри работи:
Не јадете солена храна
За време на менструацијата многу жени задржуваат вода, па е подобро дополнително да се одбегнува сол. Со оглед на тоа дека солената храна го дехидрира телото, тоа надоместува така што ја задржува водата. Меѓутоа ако веќе прекумерно сте користеле сол и ако сте надувани, пијте повеќе вода за да го „измиете“ вишокот течност од телото и да се вратите во нормала.
Не консумирајте кофеин
Верувале или не, но кофеинот може да влијае на тоа дека градите ќе ви бидат чувствителни за време на менструацијата, а освен тоа се блокира еден невротрансмитер што предизвикува забрзана работа на срцето, анксиозност и засилени симптоми на ПМС.
Не ја заборавајте заштитата
Освен што можете да забремените, тогаш сте и почувствителни на полови болести, особено на оние кои се пренесуваат преку крв.
Не користете препарати за интимна нега со парфем
Парфемите во производите за нега може да влијаат на вагиналната иритација, па затоа одбегнувајте ги. Користете производи, специфично наменети за интимна нега, а доколку дојде до појава на интензивен мирис веднаш посетете го вашиот гинеколог.
Не чекајте предолго, испијте лек против болки
Ако имате силни грчеви, напијте се таблета на време. На тој начин ќе спречите зголемување на интензитетот.
Не седете по цел ден в кревет
Иако многу жени го одбегнуваат вежбањето додека крварат, лекарите го предлагаат спротивното – односно да се движите. Растот на ендорфин во телото може да помогне во намалување на грчевите и променливото расположение.
Не заборавајте да ги менувате тампоните и влошките на време
Тоа е основен дел за добра хигиена. Тампоните се менуваат на секои 4 до 6 часа, со цел да одбегнете токсичен шок, а влошката на секои 3 до 4 часа. Чашката, пак, може да ја држите до 12 часа.
