Работата, брзото и напорно темпо на животот, многубројните обврски прават да имаме многу малку време за јадење, па најчесто јадеме нешто набрзина, што се вели „од нога“, прескокнуваме оброци… Се се ова лоши навики. Со оваа тематика се бавело едно истражување спроведено неодамна, а кое опфатило повеќе од 5 000 учесници, кои биле поделени во три групи: брзи, нормални и бавни јадачи.
Ниту еден од нив на самиот старт од истражувањето немал никакви болести, ниту, пак, тегоби со желудникот. По пет години испитаниците морале да се појават на лекарски преглед.
Кај оние кои јаделе брзо постоела 89 отсто поголема веројатност за развој на еден од четирите метаболни синдроми, кои уште се нарекуваат и „смртоносниот квартет“. Тука спаѓаат: дебелина, нарушувања на метаболизмот на мастите (висок холестерол), висок крвен притисок и отпорност на инсулин (развој на дијабетес тип 2). Кај нив уште бил забележан и вишок на килограми. Иако вишокот килограми често пати делува единствено како естетски проблем, тоа всушност е подлога за развој на одредени болести.
Кога луѓето јадат пребрзо немаат чувство на ситост и продолжуваат да јадат. На тој начин внесуваат многу повеќе храна отколку што навистина му е потребно на организмот. Имено, откако желудникот ќе се наполни на човечкиот мозок му се потребни десетина минути да сигнализира дека сме сити и дека треба да престанеме да јадеме. А колку навистина може да се изеде во тие 10 минути доколку продолжиме брзо да јадеме?! Сите оние кои внимаваат на своето здравје и тежината, треба да внимаваат што внесуваат во телото, но и колку брзо ја јадат храната.
ВАЖНО
Јадењето брзо може да доведе до неколку здравствени проблеми. Еве неколку главни ризици поврзани со оваа навика:
-
Прејадување – Кога јадеш брзо, мозокот нема доволно време да регистрира дека си сит. Тоа може да доведе до внесување на повеќе храна отколку што е потребно, што понатаму води до зголемување на телесната тежина.
-
Дигестивни проблеми – Брзо јадење може да предизвика гасови, подуеност, рефлукс (враќање на желудочната киселина) и дури и болки во стомакот, бидејќи храната не се џвака доволно добро.
-
Зголемен ризик од метаболички синдром – Истражувањата покажуваат дека луѓето кои јадат брзо имаат поголема веројатност да развијат состојби како високо ниво на шеќер во крвта, висок крвен притисок, и зголемени маснотии во крвта – сите фактори поврзани со срцеви болести и дијабетес тип 2.
-
Намалено уживање во храната – Брзо јадење ја намалува свесната поврзаност со храната, што може да влијае на емоционалната и психичката поврзаност со исхраната.
За подобро здравје, се препорачува да се јаде побавно, да се џвака темелно и да се обрнува внимание на сигналите на ситост од телото.
