„Се чувствувам одлично и имам полно енергија, но својот план на исхрана го одредувам сама или едноставно кажано, не ги сметам за прифатливи ригорозните правила“, рекла 53-годишната Џени и појаснила што точно значи ова.
„Повремено пијам по некој коктел и не можам да се откажам од чоколадите, но поголемиот дел од денот јадам протеини и зеленчук, односно одбегнувам скроб и јаглехидрати како што се лебот, оризот, тестенините. Ми помага тоа што често си дозволувам мали излети со „забранетата храна“ затоа што така не се мачам себеси.“
Џени вели дека за резултати, секако, е важно да има повеќе денови во неделата кога јаде потполно правилно, отколку да „мами“. Признала дека е и тешко кога на сет, на пример, поминува покрај преполна маса со разно-разни вкусни колачи, мафини, тестетини и слични заводници – јаглехидрати. Вели не е едноставно, но и дека на ум треба да се има оти секој човек, секој ден има можност за избор.
„Меѓутоа има денови кога мислам дека сум заслужила, затоа што многу работам, да каснам едно, две, па дури и три колачиња и тоа и го правам“, признава Џени.
Џени вежба пилатес и редовно оди на прошетки со своето куче. За пилатесот вели дека и го преобликувал телото. Уште и ги советува родителите своите деца да ги насочуваат кон спорт, затоа што спортот, вели, ја зајакнува силата и волјата.
„Мене моите родители ме поттикнуваа да одам на лизгање, балет и танц. Одев на сите тие активности, додека едноставно не сфатив дека сум превисока за нив“, рекла актерката.
