Понекогаш и вашите слаби нокти може да бидат показател на проблеми со коските. Што уште може да го открие иститиот проблем?
- НЕ ВЕЖБАТЕ
Доколку поголем дел од времето во денот го поминувате пред екран, прво е добро да запомните дека сте во ризична група за развој на остеопороза. Вежбањето ќе помогне не само да се изградат силни мускули, туку и силни коски. Кога вежбате, особено ако тоа е тренинг за сила, помагате да ги одржите вашите коски силни. Денеска одлучете дека утре ќе посветите повеќе време на некоја активност, а не на ТВ екранот. Пешачете до работа, возете велосипед или едноставно одете по скалите наместо со лифт.
- ВИ СЕ ПОВЛЕКУВА ЗАБНОТО МЕСО
Нема навреме да забележите дека месото се повлекува, бидејќи за тоа се потребни години, а тоа се случува кога вилицата ја губи силата – месото се одвојува од забите. Она што сигурно навреме ќе го забележите е губење на забите. Како стареете, така почесто треба да се консултирате со стоматолог. Дури и ако немате проблеми со забите, и понатаму е важно да не се заборават превентивните мерки. Важно е редовното миење на забите, а силата на вилицата може да ја одржувате и со џвакање гуми за џвакање.
- НЕ СТЕ ПОВЕЌЕ ТОЛКУ ВИСОКИ
Губењето на висината не е мит, тоа навистина се случува како старееме. Резултат е од намалување на густината на коските и сврзното ткиво меѓу нив. Тоа секако не мора секогаш да значи дека имате проблеми со коските, но секако открива дека дошло до слабеење на мускулите околу ‘рбетот, појаснува д-р Сузан Браун и додава дека коските и мускулите работат како едно, а и ја губат силата во исто време, па веројатно е дека губењето на мускулите е поврзано со можно губење на коскената маса.
- СТИСОКОТ ПОВЕЌЕ НЕ ВИ Е ТОЛКУ ЦВРСТ
Ако до неодамна без проблем сте можеле да отворите тегла со краставички, а сега тоа не ви оди од рака, секако посетете лекар. Во една студија, спроведена меѓу жени во менопауза, откриено е дека силата на стисокот на раката е најважаната работа при откривање на густината на коските. Постои поврзаност помеѓу тоа колку е силен стисокот на рацете и густинаѕа на коските во колкот, ‘рбетот и раката. Значи, слабоста во раката може да открие дека е време за посета на лекар.
- ДОШЛО СО СКРШЕНИЦА
Еден од големите сигнали за губење на коскената маса е фрактура; ако го скршите глуждот затоа што лошо сте стапнале на тротоар, можеби е паметно да посетите лекар.
- ВЕ МАЧАТ ГРЧЕВИ, БОЛКИ ВО МУСКУЛИТЕ И КОСКИТЕ
Болката е состојба која се јавува како што старееме, но понекогаш може да открие и нешто друго. Доколку болките на споменатите места се чести, тоа може да биде сигнал за недостаток на витамин Д, што може да доведе до губење на коскената маса. Кога се појавуваат грчеви во нозете навечер, тоа може да биде сигнал дека ви недостасува калциум, магнезиум и железо. Ако ова не се коригира, може да доведе до губење на коскената маса.
- ЖЕНСКО СТЕ И НИВОТО НА ЕСТРОГЕН ВИ Е НИСКО
Кога нивото на овој важен хормон се намалува, најчесто за време на менопаузата, може да страдаат коските. “Резултати од неколку студии покажуваат дека забрзаното губење на коскената маса кај жените по менопаузата може да се превенира со заместителна хормонална терапија“, стои на страниците на Arthritis Research & Therapy. На Вас е да го посетите вашиот лекар за да ве прегледа и да ви даде соодветна терапија. Губењето на коскената маса можете да го забавите со вежбање, храна полна со калциум…
- НОКТИТЕ ВИ СЕ КРШЛИВИ
Ако ноктите ви се многу кршливи веќе долго време, можеби и постои причина за загриженост. Иако ова може да биде последица од многу работи, често се должи на недостаток на колаген и калциум. Колагенот е протеин кој ја штити кожата и сврзното ткиво, но и коските. Храната како бобинки, зелена салата, соја и цитрус може да помогне. Калциумот е најважниот минерал за здравјето на ноктите и коските, а освен во млекото, можете да го најдете и во сардини и зелениот лиснат зеленчук.
